Pasilingua es un lingua auxiliar international proponite per Paul Steiner, un ex-volapükista, in 1885. Il esseva multo popular como in le tempore de Volapük.

Grammatica

• Le alphabeto habeva 10 vocales (a, ä, è, e, i, y, o, u, ü), 21 consonantes (b, c, ç, d, f, g, h, j, k, l, m, n, p, q, r, s, t, v, w, x, z), e duo digraphos (ch, sch).
• Il habeva sex articulos, duo typos de tres generes. Le definites initiava con t-, e le indefinites con un--; le masculines finiva con -o, le feminines finiva con -e, e le neutrales con -a. Ergo, le sex articulos esseva to, te, ta, uno, une, una.
• Substantivos habeva quatro suffixos grammatic: -o pro masculin, -e pro feminin, -a pro concrete, e -u pro abstracte. Illes face le plural con le -s.
• Il habeva quatro cassas, que poteva esser marcate con un suffixo o un particulo: nominative, accusative, dative, e genitive, como in german.
• Il habeva quatro conjugationes: per exemplo, grander esse "esser grande", grandir esse "devenir grande", grandar esse "facer grande", e grandor esse "esser facite grande". Cata conjugation habeva tres tempores.

Vocabulario

Le majoritate del vocabulario de Pasilingua esseva basate in german, anglese, francese, e latino. Particulos esseva generalmente de Latin. Plure parolas habeva duo synonymos, germanic o romantic: per exemplo, bono o guto esseva "bon", e "deo" esseva Deo o Gotto.

Specimen

Le Patre Nostre:

Patro miso,

quo er in coela,

nama tü sanctore

kingdoma tüa kommire,

tüa willu fairore

sur erda ut in coela.

Donnare misbi misan brodan taglian;

pardonnare missas dettas

uti mis pardonnars misosbi debitorosbi.

Referentias

• (anglese) Pei, Mario. One Language for the World. New York: The Devin-Adair Company, 1958.