Li término "biologie" posse haver pluri definitiones.

Biologie es ante omnicos li studie del vivent entes, queles on conosse sur li planete Terra. Ma li distintion ínter vivent e ne-vivent organismes es quelcvez desfacil (vide víruses, viroides e priones).
In un plu larg sense, biologie o li scienties del vive es li gruppe de disciplines, classic e modern, queles studia li structuras, li functiones e li nivelles de organisation (molecules, cellules, organismes e lor circumité) de vivent entes.
Biologie es anc li studie del evolution de vivent entes, de lor relationes con unaltru e con lor circumité, e anc de lor trates queles es util al hom (aplicationes agricultural, medical, farmaceutic, chimic … )

Principal disciplines

Proque li subjecte es extremmen vast, li studie de biologie besona esser disdividet ad-in plu micri temas. Un possibil vise-punctu, un poc "reductionistic" ma havent li avantage de clarificar li temas, consiste in definir li nivelles de organisation. Por atinger un plu global comprension de biologie, "pontes" es talmen creat ínter li diversi disciplines.

Nivelle de observation	Exemples	Disciplines
moleculari	biologic molecules : proteines, DNA	organic chimie, biochimie, moleculari biologie
microscopic	componentes del cellul	cellulari biologie, citologie
…	cellules, unicellulari organismes	microbiologie
…	organes, histes	fisiologie, histologie
macroscopic	organismes, individues	biologie de organismes, anatomie, etologie
populational	colonias, populationes, metapopulationes	biologie de populationes, genetica de populationes
specific	specie	filogeografie...
super-specific	gruppes de species, ecosistemas	ecologie, filogenie

Altri disciplines es asociat al biologie, p. ex. genetica o li scientie de hereditá.

Un del clave-conceptiones de biologie es li principie de evolution. Filogenie tracia li evolution de organismes e paleontologie studia fossil organismes e efortia traciar lor evolution. Ti disciplines es afin a taxonomie (o sistematica), quel have quam scope li classification de vivent entes por arangear les in gruppes (families, géneres, species, rasses, etc.) suficentmen homogen por esser comparat ínter unaltru in témpor e spacie.

Temas ligat a biologie

Anatomie -- Antropologie -- Astrobiologie -- Biochimie -- Biofisica -- Biogeografie -- Bioinformatica -- Biotecnologia -- Botanica -- Cellulari biologie -- Citologie -- Cronobiologie -- Ecologie -- Embriologie -- Endocrinologie -- Etologie -- Famosi biologos -- Farmacie -- Farmacologie -- Filogenie -- Fisiologie -- Genetica -- Histologie -- Imunologie -- Medicina -- Microbiologie -- Micologie -- Moleculari biologie -- Neuroscienties -- Paleontologie -- Sistematica -- Taxonomie -- Teorie de evolution -- Toxicologie -- Zoologie

Animalia - Bos primigenius taurus
Planta - Triticum
Fungi - Morchella esculenta
Stramenopila/Chromista - Fucus serratus
Bacteria - Gemmatimonas aurantiaca (- = 1 Micrometer)
Archaea - Halobacteria
Virus - Gamma phage

v · d · m Scientie
Natural scienties	Astronomie • Biologie • Chimie • Fisica • Geologie • Matematica • Ingenierie
Social scienties	Antropologie • Archeologie • Economica • Filosofie • Historie‎ • Geografie • Psichologie • Sociologie‎
Filosofie del scientie • Historie del scientie

Categorie