Sr. N.H. Divall ex London (23 Womersley Road), Occidentalist anglesi e secretario del Britannic Occidental Association[1].
Sr. Ilmari Federn - autor del Occidental-English Vocabulary (1937, 16 págines) e li Occidental-Dansk Ordbog (1937, 36 págines). Filio del austrian autor Karl Federn (1868 - 1943), Ilmari traductet pluri de su ovres in Occidental,[2] includent Li pont[3] e Li verd parapluvie[4]. Nominat li "dextri manu de de Wahl"[5]. Fat li final revision[6] del grand dictionarium anglesi-Occidental per sres. Pope e Kemp.
Sr. Francis R. Pope, Occidentalist de Manchester. Duesim creator del grand dictionarium anglesi-Occidental. Comensante con li dictionarium scrit til li líttere P per sr. Kemp, il perfinit it durant li duesim guerre mundal[6].
Sr. Gerald A. Moore (??? - †april 1935 in London)[7]. Esset un director de bank quel subvetionat Cosmoglotta "til li moment quande li abonnates esset sat numerosi por assecurar su regulari aparition".[7]. Il publicat un articul pri interlinguistica in The Morning Post[7].
Leonard Beer, qui demissionat quam Occidental-informatoria e agentie de Cosmoglotta in 1939[8].
S. W. Beer Jr, secretario del Interlanguage Association of Great Britain[9]
William Henthorne esset un occidentalist, membre del APIS[10] qui laborat quam laborero de fabrica. Il scrit li articul Pro quo yo abandonat Esperanto?, quel aparit in Cosmoglotta A 127 (jul 1939)[11] e Ex li ombres, un textu original quel aparit in Cosmoglotta A 105 (nov-dec 1935)[12]
Sr. A.W.S. Raxworthy, president del Britannic Interlingue Association ex li 28 octobre 1950[13] til un data ínconosset. Autor de Introductory Grammar of Occidental for English Students[14]
Sr. Wilfrid E. Reeve; secretario e cassero del Britannic Interlingue Association
Sr. George L. Dickinson. Ex-esperantist[15], esset un scritor, representante de APIS por Anglia.
Dr. Charles Kemp, unesim creator del grand dictionarium anglesi-Occidental.
Dr. Hans A. Homolka, presidente del Occidental-Union in Austria.
Sr. Engelbert Pigal (1899? - 1978), austrian Occidentalist e un del prim usatores del lingue. Redactor de Cosmoglotta de1926 a 1930[18]. Benque su dom esset destructet durant li duesim guerre mundal[1], il supervivet li guerre in bon standa.
A.R. Beauchemin[23] (1862 - ?), canadesi Occidentalist ex Montreal, anteyan esperantist e idist. Inviat li poem Flores de autune a Cosmoglotta A 139 (jul 1948)[24]
David MacLeod, traductor de Li historie de Photogen e Nycteris (Li yuno del jorne e li yuna del nocte) e autor de Salute, Jonathan! Il ha tippat li Cosmoglotta por far it accessibil in li internet[25] Creator del blog Novas e Ruminationes in Occidental[26]. Traductet a anglesi li Okzidental-Kursus in 10 Lektionen de Armas Ramstedt. Il ha revisat li ovres in occidental scrit de Vicente Costalago avan lor publication.
Sr. Boutreux, francesi Occidentalist e director scolari in 1944.
René Chabaud, francesi Occidentalist. Captet in Germania durant li duesim guerre mundal, il revenit san e recomensat su activitás por li lingue, scriente articules[36] por Cosmoglotta.
Jean Chanaud († 1934[37]), franceso e un del prim adeptes de Occidental. Il trovat Occidental per un exposite publicat in Schola et Vita, e composit li Index francés-Occidental al radicarium.
William Gilbert, francesi Occidentalist. Inviat un manuscrite de L'Occidental sans peine (plu quam 90 págines) a Cosmoglotta in 1943[38]. Editor del buletin por li Occidental-Societé de Francia in 1944.
L. M. de Guesnet (1886 - 1969), francesi Occidentalist. Electet quam presidente del Occidental-Societé de Francia ye li fine de 1944.[39] Devenit esperantist in 1906, e quelc annus plu tard idist. Manet idist til 1927 quande il adheret se a Occidental. Recivet li diploma de docente de Occidental in 1938.
Paul Jauzin, francesi Occidentalist e economist. Proposit un moné nominat Universo[40] quel vell vicear li aurin etalon per un altri basat sur li 40 cardinal productes del terra: 20 agricultural productes e 20 productes industrial, por mantener un plu stabil potentie de compra quam ti basat sur un sol producte.
Paul Beaufils
Jacob Linzbach, president de Kosmoglott in 1922
J.M. Luquet, secretario del Occidental-Societé de Francia in 1944.
J. Toublet, cassero del Proletari interlinguistic association in Francia.
M. Martinet, franceso e interpretero che li american armé in Rouen pos li duesim guerre mundal.[41]
S.G. Poujet, presidente del Proletari interlinguistic association in Francia.
Tauno Tattari, finnic Occidentalist e autor del manuale e vocabularium finnic-occidental. Morit durant li duesim guerre mundal pro pneumonie[6].
A.Z. Ramstedt (1894 - 1979). Autor del Okzidental-Kursus in 10 Lektionen por german-parlantes. Redactor de Cosmoglotta durant 2 annus[6]. Quam Occidentalist vivent in Finnland proxim a Tallinn, il corespondet frequentmen con Edgar de Wahl e, pos un ruptura de comunicationes, trovat li ancor vivent in Tallinn pos li duesim guerre mundal[42].
Carles Varela (1902-1973) membre del Interimari academie de Occidental in Svissia durant li duesim guerre mundal (adjuntet quam 10-im membre in januar 1944[44]) e president del Hispan Occidental Association.
Alberto Cabreiros Curieses, secretario del Hispan Occidental Association.
Vicente Costalago, occidentalist hispan, autor de pluri libres e dictionariums in occidental. Il anc scrit por Cosmoglotta e reserchat e fat disponibil li textus in Occidental quel esset in li CDELI.
fr:Denis Silagi, de Budapest. Esser Esperantist, Idist, Occidentalist, e plu tard, apoyator del Latino sine flexione. Il esset judeic, e translocat se a Germania pos li duesim Guerre Mundial; il esser internat in Buchenwald. Quam occupation, il esset editor e scritor.
Dr. Ernö Zichy-Acs, pionero de Cosmoglotta in Hungaria.[46]
Giuseppe Bevilacqua, italian Occidentalist. Autor del Vocabularium Italian-Occidental in 1943[47].
Emilio Dal Martello, redactor del parte in Occidental de Italia Filatelica[48]. Il scrit in li numeró de 6 julí 1937 de "Fronte Unico" (L'idea di Roma) un grand articul-anuncia pri Occidental in Occidental[49]
Dr Fr. Mascanzoni - Occidentalist italian (de Bari), redactor de Cosmoglotta[29]
Albert Picchi (26 marte 1875 - 27 marte 1942). Laborat in colaboration con G. Bevilacqua al preparation del "Vocabulario Italiano-Occidental", autor del studie "Stato attuale del problema della lingua ausiliaria internazionale" (Actual statu del problema del lingue auxiliari international).
N. Posthuma, († 1944[53]), hollandesa, activ colaboratora e corespondent del Occidental-Academie. Ella vivet in Lausanne (Svissia) e retornat a Nederland just ante li duesim guerre mundal.
H. Littlewood, instructor de anglesi in Gröningen. Captet del Germanes in Nederland in 1940 e deportat in Germania, il támen supervivet li guerre e retornat san in Anglia in 1945.[54]
A.F. Poggenbeek: Ex esperantist, il esset un del fundatores del Interlingue-movement in Nederland. Vice-president del Interlingue-Union. Il esset li director del firma A. Van Hoboken. Deputato in li parlament de Sud-Holland.[55]
Renato de Beça e Melo, ancian esperantist, esset un occidentalist portugalesi[57]. In 1947, il esset selectet membre del Senat del Occidental-Union[58]
Harald Björkman, ex Jänkisjärvi,[19] qui iniciat un un corespondentie per series de lettres circulant, nominat « CONVERSATIONES INTER INSTRUCTORES »[60].
Carl Wilhelm von Sydow(en) - President honorari del Occidental-Academie[61] e membre del Interimari academie de Occidental in Svissia durant li duesim guerre mundal.
Richard 'Ric' Berger (1894 - 1984). Ovres: Vocabularium fundamental de Occidental (scrit in 1943~44), L'Occidental en 5 leçons (januar 1946), inter altris.
Erik Berggren, membre del Interimari academie de Occidental in Svissia durant li duesim guerre mundal.[64]
Ed. Bieller, director del Revue Internationale de Sténographie, ex Bienne,[65]
Bertil Blomé, membre del Interimari academie de Occidental in Svissia durant li duesim guerre mundal.
A.E. Cortinas, Sviss Occidentalist ex Lugano. Sovente traductet e scrit original aforismes e historiettes[66] por Cosmoglotta.
Jean Denzler (1871 - 1943), ex Bienne, Svissia. Ancian esperantist, adheret se a Occidental in 1928. Membre nr. 8 del Sviss Association por Occidental. Colaborat al dictionarium de Gär e li "Vocabularium de Occidental"
Fritz Haas (1898 - 1971), sviss Occidentalist ex Winterthur. Membre del Interimari academie de Occidental in Svissia durant li duesim guerre mundal.
Erwin Wettstein (1879 - 1943[69]), Volapükist de 1893 a 1925, Idist durant li periode 1925 - 1928, e Occidentalist desde 1928. Depó-chef del Sviss Ferrovias in Erstfeld.
Fred Lagnel, director del Interimari Academie (INTAC) in Svissia desde 1943 durant li duesim guerre mundal (president: A Matejka, vice-president Ric Berger)
Alphonse Matejka (1902 - 1999), tcheco e presidente del Occidental-Union in Svissia. Ovres: Vollständiger Lehrgang der internationalen Welthilfssprache Occidental in 20 Lektionen (1942) Wörterbuch Occidental-Deutsch und Deutsch-Occidental (1945), inter altris.
Hynek Pášma († 1942[74]), tcheco e presidente del Occidental Academie. Anteyan esperantist e pos idist, il adheret se a Occidental in 1922 quam un del unesimes. Traductet li livre Nationalisme in Occidente, un essay scrit per Rabindranath Thakur.
Jan Amos Kajš, tchec Occidentalist. Supervivet li duesim guerre mundal[75].
↑Cgl. 1945 p.67: "Tis queles conosse Sr. Federn personalmen e save quant grand esset su activitá e su influentie in nor movement (il esset in facte li dextri manu de nor mastro de Wahl) va associar se al joya del sviss ductores pri ti unesim signe de vive de nor car amico pos un tre long silentie."