Subuqti ' | ||||||||
---|---|---|---|---|---|---|---|---|
|
Subuqti es un raconta original scrit in Interlingue de Vicente Costalago e corectet de Dave MacLeod. It esset publicat in 2022.
Li libre raconta li historie de Grigori, un marinero russ qui arriva a Subuqti in li nave Kitkorab, quel es directet del capitano Aleksey. Ta li capitano comanda prender li féminas e li infantes, e divide les inter le marineros. Quande Grigori vide que Aqarnaq, li filia del chef del Subuqti, have un tatuage in li péctor, il prende la e porta la a su chambre. Quande ambos es sol, il monstra la que il have li sam tatuage e il parla la in li lingue de Subuqti, nam il es parte del popul.
Pos reveni a Sant Petersburg, Grigori es criticat del alt societé, nam il es conosset de les e un fémina, Alyona Morozova, con su amica Kira Novikova, comensa extender rumores pri Aqarnaq, qui es portat a un judico pro ne esser baptisat in li eclesie ortodox. In ta moment, Grigori apari e rescata la, e poy prende li Kitkorab por reveni a Subuqti a viver con su marita e li infantes.
Por ti-ci libre, li autor creat un lingue, li lingue subuqti (subuqtivad). Il fundat se in li lingues estonian, finn e li divers dialectes del inuktitut.
Li lítteres es pronunciat quam in Occidental, excepte li C quel es pronunciat quam CH, e li Q, quel es pronunciat quam K.
person | singular | plural |
---|---|---|
1 | mi | min |
2 | si | sin |
3 | hi | hin |
|
|
Li raconta have quelc influenties de Anna Karenina, de Tolstoi, in li descriptiones del alt societé russ e del vestimentes queles ili usa.