Baybay | |
---|---|
Utudnon | |
Baybayanon | |
Patubo iti | Filipinas |
Rehion | Leyte (Siudad ti Baybay) |
Patubo a mangisasao | 10,000 (2009)[1] |
Kodkodigo ti pagsasao | |
ISO 639-3 | bvy |
Glottolog | bayb1234 |
Ti pagsasao a Baybay, ammo pay a kas Baybayanon, Utudnon wenno Leyte, ket ti naisangayan a rehional a pagsasao a naisasao idi iti isla ti Leyte idiay Filipinas sakbay ti isasangpet ti Waraywaray ken kalpasanna, ti Boholano ken Cebuano. Daytoy ket naisasao pay laeng iti likmut ti siudad ti Baybay. Daytoy ket paset ti pamilia ti pagsasao a Bisaya ken asideg a kabagian dagiti sabali a sasao a Filipino.
Ti Baybay ket kasisigud idi a pagsasao a Warayan a nareleksipikado ken tinuonan babaen ti superestrato ti Cebuano (Leyteño) (Rubino 2005). Ti subestrato ti Warayan ket nailasin babaen ti kasla Waray a deiktiko ti Baybay, ken dagiti naduduma a langa.[2]
Ti Baybay ket insasao dagiti agarup a 10,000 tattao[3] kadagiti 5 a baranggay iti tengnga a Leyte, a mairaman ti Utúd (makuna pay iti Utod wenno Guadalupe), Gábas, Kilím, Pátag, ken Pangasúgan.[2]