Manus | |
---|---|
Heograpiko a pannakaiwarwaras | Probinsia ti Manus, Papua Baro a Guinea |
Lingguistika a pannakaidasig | Austronesio |
Glottolog | manu1262 |
Ti sasao a Manus ket grupo dagiti agarup a dua dosena a sasao nga Oceaniko a mabirukan idiay Isla Manus ken dagiti asideg nga isla ti Probinsia ti Manus ti Papua Baro a Guinea. Ti eksakto a bilang dagiti pagsasao ket narigat a maammuan gapu ta mangpormada iti lugar ti dialekto (Blust 2007:302). Ti nagan a 'Manus' (wenno 'Moanus') ket kasisigud a mangibaga ti maysa a grupo ti etniko a dagiti kamengna ket mangisasao kadagiti asideg nga agkakabagian a pagsasao ken dagiti agtataeng iti igid ti baybay ket kadawyanda a nagbagbangon kadagiti balayda kadagiti salingkadang iti rabaw ti baybay (Bowern 2011:6).
Ita nga aldaw ti sibubukel a populasion ti Probinsia ti Manus ket tinawtawagnda ti bagbagida a kas tattao a 'Manus', isu a dagiti kasisigud a Manusket mailasinda a kas Manus tru 'pudno a Manus' (wenno 'Manus sensu stricto').[1] Ti pagsasao ti tattao a Manus ket ekstensibo nga inad-adal babaen dagiti antropologo, manipud ken ni Georg Thilenius kadagiti nasapa a tawen ti 1900 aginggana ken ni Margaret Mead kadagiti agpakatengnga a tawen ti 1900, ken tinawtawagan itan iti Titan (Bowern 2011).
Segun da Lynch, Ross, & Crowley (2002),[2] ti estruktura ti pamilia ket kas ti sumaganad: