Nedependanta Finlando naskis pos sangoza interna milito. Ante la duesma mondomilito dum la yari 1920ma dextra idei esis dominacanta, ma sociala equilibro obtenesis dum la yari 1930ma. Finlando ne esis okupita da Sovietia pos la milito e restis en ocidentala mondo ma sub mi-kontrolo di Sovietia. Pos la mondomilito Finlando esabus tre aktiva pri paco kreante ponto inter l'Ocidento e l'Oriento.
1918 - Interna milito inter le Reda e le Blanka. La trupi di generalo C. G. E. Mannerheim (di le Blanka) vinkas la milito. En Germania lerninta kombatisti pleas granda rolo en vinko. Svinhufvud kom regento. On projetas ke Finlando divenus rejio. Mannerheim divenas regento.
1919 - Militala expedicioni aden Est-Karelia (di Rusia). K. J. Ståhlberg kom unesma prezidanto di Finlando. Alkoholo-abneginta lego esas dekretita.
1920 - Paco kun Rusia subskribesas en Tartu (Estonia). Petsamo anexesas a Finlando.
1939 - Sovietia demandas arei di Finlando pro protektar Leningrad. Finlando ne aceptas demandi di Sovietia, e Vintromilito inter Finlando e Sovietia komencas (dum duesma mondomilito).
1940 - Finlando permisas Germania traportar militala vari a Norvegia.