Árið 1530 (MDXXX í rómverskum tölum)

Á Íslandi

• 24. janúar - Séra Þórður Einarsson dæmdur frá prestskap í Hítardal í svonefndum Hítardalsdómi. Hann var sakaður um barneignir í frillulífi, skemmd á Skálholtskirkju, slagsmál við annan prest og óhlýðni við Ögmund Pálsson biskup.
• Fyrsta prentsmiðjan líklega flutt til Íslands með prentaranum Jóni Matthíassyni hinum sænska.
• Sigvarður Halldórsson varð ábóti í Þykkvabæjarklaustri.
• Þorvarður Helgason príor í Skriðuklaustri lét af embætti.
• Jón Markússon varð príor í Skriðuklaustri.
• Mannlausa báta rak að ströndum Íslands og voru þeir smurðir selalýsi og taldir frá Grænlandi.

Fædd

Dáin

• Þórður Einarsson prestur í Hítardal. Dó erlendis en hann hafði farið á fund erkibiskups að reyna að fá dómnum yfir sér hrundið.

Erlendis

• 25. júní - Karli 5. keisara afhent Ágsborgarjátningin.
• 12. ágúst - Flórens féll fyrir spænskum her og Mediciættin komst aftur til valda.
• Klemens VII páfi krýndi Karl 5. keisara í Bologna og var það í síðasta sinn sem keisari var krýndur af páfanum.
• Mölturiddarar urðu til þegar Klemens VIII páfi gaf Jóhannesarriddurum eyna Möltu.

Fædd

• 25. ágúst - Ívan 4. (Ívan grimmi) Rússakeisari (d. 1584).

Dáin

• 29. nóvember - Thomas Wolsey, enskur kardínáli og stjórnmálamaður (f. 1473).
• Søren Andersen Norby, danskur flotaforingi og um tíma hirðstjóri á Íslandi.