Árið 1703 (MDCCIII í rómverskum tölum)

Á Íslandi

• 24. mars - Þórdís Jónsdóttir í Bræðratungu flúði undan barsmíðum Magnúsar Sigurðssonar, manns síns. Hann taldi hana eiga í ástarsambandi við Árna Magnússon.
• Allsherjarmanntal tekið á Íslandi, hið fyrsta í heiminum sem nær yfir heila þjóð og getur um nafn, aldur og þjóðfélagsstöðu allra íbúa.
• Björn Þorleifsson biskup samdi um kaup á Hólaprentsmiðju, sem flutt hafði verið suður í Skálholt, og lét flytja hana aftur að Hólum.

Fædd

• Bjarni Halldórsson, sýslumaður á Þingeyrum (líklega).

Dáin

Opinberar aftökur

• Jón Jónsson úr Ísafjarðarsýslu hengdur á Alþingi, fyrir þjófnað.
• Gísli Einarsson úr Borgarfjarðarsýslu hengdur á Alþingi, fyrir þjófnað.
• Jón Þorláksson úr Árnessýslu hengdur á Alþingi, fyrir þjófnað.
• Jón Þórðarson úr Árnessýslu hengdur á Alþingi, fyrir þjófnað og flakk.
• Katrínu Þorvarðsdóttur, 33 ára, úr Borgarfjarðarsýslu, drekkt á Alþingi fyrir dulsmál.^[1]

Erlendis

• 27. maí - Pétur mikli Rússakeisari stofnaði Sankti Pétursborg með það að markmiði að gera hana að höfuðborg.
• 29. – 31. júlí - Daniel Defoe var settur í gapastokk fyrir háðsbækling gegn breskum íhaldsmönnum.
• Friðrik 4. Danakonungur giftist Elisabeth Helene von Vieregg „til vinstri handar“.
• Almira, fyrsta ópera Georgs Friedrichs Händel, var frumsýnd.
• Buckinghamhöll var reist fyrir hertogann af Buckingham.

Fædd

Dáin

• 3. mars - Robert Hooke, breskur eðlis- og efnafræðingur (f. 1635).
• 16. maí - Charles Perrault, franskur rithöfundur (f. 1628).
• 26. maí - Samuel Pepys, enskur dagbókarhöfundur (f. 1633).
• 19. nóvember - Maðurinn með járngrímuna dó í Bastillunni.
• Thomas Kingo, danskt sálmaskáld (f. 1634).

Tilvísanir

1. ↑ Öll gögn um framangreindar aftökur sóttar á vef rannsóknarverkefnisins Dysjar hinna dauðu, ekki síst skrá á slóðinni https://dhd.hi.is/gogn/Info.pdf, sótt 15.2.20202.