Safi er vökvi sem er fenginn úr ávöxtum (ávaxtasafi), grænmeti (grænmetissafi), blómum (blómasafi) eða kjöti (kjötsafi). Saft eða djús er oft gerð úr sykruðu safaþykkni. Safi er oft notaður sem drykkur eða bragðefni í mat eða öðrum drykkjum. Safi varð vinsæll sem drykkur eftir að gerilsneyðing gerði varðveislu vökva mögulega án gerjunar.[1] Þau lönd þar sem íbúar neyta mests safa eru Nýja-Sjáland og Kólumbía. Aukin neysla safa fylgir aukinni velmegun.[2]