Subway er bandarískur skyndibitastaður sem selur báta og salöt. Fyrirtækið er í eigu Doctor's Associates, Inc og notar sérleyfismódel. Staðir Subway eru 35.519 samtals í yfir 98 löndum og fyrirtækið er stærsta skyndibitakeðja í heiminum.
Höfuðstöðvar fyrirtækisins eru í Milford í Connecticut-fylki en fyrsti staðurinn var í Bridgeport, stærstu borg Connecticut. Subway hefur m.a. skrifstofur í Amsterdam, Brisbane og Miami og í Líbanon, Singapúr og Indlandi. Veitingastaðir Subway á Íslandi eru 21 en sá fyrsti var opnaður þar árið 1994 í Faxafeni.[1]
