?onkapi | ||||||||||||||
---|---|---|---|---|---|---|---|---|---|---|---|---|---|---|
![]() .onkapi bu'u la'o gy. Disney World's Animal Kingdom .gy
| ||||||||||||||
saske terganzu | ||||||||||||||
| ||||||||||||||
relpau cmene
| ||||||||||||||
Okapia johnstoni (P.L. Sclater, 1901) |
lo .onkapi no'u la'o ly. Okapia johnstoni .ly cu mabru gi'e xabju la .ituris zei ricfoi ne bu'u lo midju frikytu'a .i simsa lo tirxyxi'a lo ka dasri se morna kei gi'e ku'i jbirai ckini lo djirafa
lo .onkapi cu xekri se xadni gi'e pinta je blabi dasri se morna se tuple .i lo se morna cu sidju lo cifnu lo nu jersi lo mamta bu'u lo denmi ricfoi kei gi'e ji'a se pilno fi lo nu sezymipri .i lo .onkapi cu simsa lo djirafa lo xadni tarmi .i je ku'i mutce mleca fi lo ka cnebo clani .i lo re frejutsi cu se tance lo clani je toltinsa je blanu noi se pilno fi lo nu jairvi'u lo pezli lo tricu .i lo tance cu clani banzu lo nu sevzi lumci lo kalgai .e lo kerlo .i lo nakni .onkapi cu se jirna lo tordu noi pilka se gacri .i lo .onkapi cu se kerlo lo clani noi sidju vo'a lo nu ganse lo vo'a kalte no'u lo tirxrleopardu
ni'o lo onkapi cu clani mitre li 1.9-2.5 gi'e sraji mitre li 1.5-2.0 .i lo rebla cu mitre li centre 30-42 .i .obu ki'ogra li 200-250
ni'o lo .onkapi cu citka lo tricu pezli .e ji'a lo srasu .e lo grute .e lo mledi
ni'o lo .onkapi cu donri danlu gi'e ta'e nonkansa .i penmi lo drata te zu'e lo nu rorci po'o .i lo pa po'o panzi cu jbena ca lo krefu ba lo nu nerbei ze'a lo djedi be li 421-457 .i lo zi jbena cu ki'ogra li 14-30 .i lo citno cu se ladydu'a ze'a lo masti be li 10 gi'e makcu binxo ca lo nu nanca li 4-5 .i lo .onkapi cu jmive ze'a lo nanca be li 15-30 va'o lo nu pinfu
ni'o lo onkapi cu jarco lo se ponse tutra ta'i lo vrici noi mu'a ge lo panci cigla pe ro jamfu cu cirko lo tarla simsa marji noi sinxa lo nu klama gi ji'a lo nu pinca ba'argau .i lo nakni cu bandu lo vo'a tutra gi'e ku'i curmi lo nu lo fetsi cu pagre te zu'e lo nu citka