Anestesi (pambiusan; asal saka basa Yunani an-"ora, tanpa" lan aesthētos, "persèpsi, kamampuan kanggo ngrasa"), kanthi umum tegesé tindakan ngilangaké rasa lara nalika ngayahi pambedhahan lan manéka prosedhur liyané sing njalari rasa lara ing awak. Istilah anestesi dipigunakaké sepisanan déning Oliver Wendel Holmes Sr ing taun 1846.

Rong golongan anestesi

Obat kanggo ngilangaké nyeri kapérang dadi rong golongan, yaiku analgetik lan anestesi. Analgetik iku obat kanggo ngurangi nyeri tanpa disertani ilangé rasa kanthi total. Wong sing ngonsumsi analgetik tetep sadhar. Analgetik ora ngilangaké kabèh rasa nyeri, nanging mung ngènthèngaké rasa nyeri.

Sawetara jinis anestesi njalari ilangé kasadaran, déné jinis sing liya mung ngilangaké nyeri ing pérangan awak tinamtu lan sing nganggo tetep sadar.

Tipe anestesi

Sawetara tipe anestesi yaiku:

• Pambiusan total — ilangé kasadaran total
• Pambiusan lokal — ilangé rasa ing laladan tinamtu sing dikarepaké.
• Pembiusan regional — ilangé rasa ing pérangan sing luwih amba saka awak déning blokade selektif ing jaringan spinal utawa saraf sing magepokan

Deleng uga

• Kedhokteran
• Anestesiologis

Pratélan pustaka

• Martaningtyas, Tsemol (2005): "Terbius memburu paten gas tertawa" Archived 2006-05-02 at the Wayback Machine.
• Suryanto,dr (1998): "Trauma selama dan setelah operasi" Archived 2007-01-10 at the Wayback Machine.

Pranala njaba

• History of anaesthesia society

Cithakan:Kadhokteran