Remy Sylado | |
---|---|
Pakarya | wartawan, sastrawan, dramawan, penulis |
Bangsa | ![]() |
Yapi Panda Abdiel Tambayong (Ejaan Républik: Japi Tambajong) utawa kondhang karo jeneng pena Remy Sylado lair ing Makassar, Sulawesi Selatan 12 Juli 1945 ya iku sastrawan Indonésia.[1]
Remy Silado ya iku penyair, kondhang amarga puisi mbeling.[2]
Dhèwèké lair ana Malino, Makassar, Sulawesi Kidul, ing 12 Juli 1945, kanthi jeneng Yapi Panda Abdiel Tambayong utawa Japi Tambajong.[2][3]
Jenenge kerep ditulis nganggo angka 23761, dijipuk saka chord sepisanan lagu All My Loving duweke The Beatles.[2][3]
Kabèh babagan seni wis dijajal, saka nulis geguritan, novèl, ésai, nganti naskah lakon; uga seni musik, seni rupa, lan mligi seni téater.[2]
Remy Silado dadi pelopor puisi mbeling taun 1970-an, 'apa waé bisa lan olèh ditulis dadi geguritan, lan sapa waé olèh dadi penyair'.[4] Dhèwèké dadi rédhaktur ana kalawarti Aktuil lan ngurusi rubrik Puisi Mbeling.[4]
Geguritan-geguritané sasuwéné 30 taun diklumpukaké lan diterbitaké kanthi irah-irahan Puisi Mbeling Remy Silado déning Kepustakaan Populer Gramedia taun 2004.[4]
Remy, nalika cilik tau manggon ing Semarang lan Sala.[1]
Remy duwé sesinglon akèh kaya ta "Dova Zila", "Alif Danya Munsyi", "Juliana C. Panda", "Jubal Anak Perang Imanuel", lan liya-liayné.[1] Saliyané kagiyatan ing babagan musik, seni rupa, teater, filem, uga bisa akèh basa.[1]
Remy wiwit karier dadi wartawan majalah Tempo (Semarang, 1965), redaktur majalah Aktuil Bandung (wiwit 1970), dhosèn Akademi Sinematografi Bandung (wiwit 1971), ketua Teater Yayasan Pusat Kebudayaan Bandung.[5] Dhèwèké nulis kritik, puisi, carkak, novèl (wiwit umur 18), drama, kolom, esai, sajak, roman populer, uga buku-buku musikologi, dramaturgi, basa, lan teologi.[5] Remy kaloka amarga kekendhelané ngadhepi wong akèh liwat panggung-panggung drama kang kabawah. Remy uga salah sijiné pelopor panulisan puisi mbeling.[5]
Saliyané nulis novèl, Remy uga pinter nggambar, drama lan ngerti babagan filem.[5] Saiki Dhèwèké manggon ing Bandung.[5] Remy tau dianugerahi bebungah Sastra Khatulistiwa 2002, iku kanggo novèl kang judhulé Kerudung Merah Kirmizi.[5]
Puisi mbeling lair bebarengan karo saya kuwaté konsolidasi pulitik pamaréntah Orde Anyar kang agi waé munggah kuwasa.[4] Surak-surak ana kalangan pulitis lan aktivis pergerakan kang wis kasil olèhé mbabat Orde Lawas isih krasa.[4] Pangarep-arep kang dibotaké ana pamaréntahan anyar ora ninggali rasa kritis kaya ing jaman démonstrasi gedhé taun 1966.[4] Sing metu ya iku usaha bebarengan kanggo nyipta suwasana kondusif lan stabil, ora mung ana puitik, nanging uga sastra.[4]
Kaya kang diujaraké Remy Sylado, gerakan mbeling ya iku perlawanan kang diarahaké ana 2 sasaran.[4] Sepisanan, èstétika geguritan kang kekurung ana pikiran-pikiran konvénsional kang diungkap kanthi kabur lan peteng ana basa kembang-kembang saéngga geguritan kelangan tanggung-jawabé marang kasunyatan.[4] Kapindho, situasi pulitik Orde Anyar kang nyata dibingkai ana gerontokrasi kang salah kaprah kanthi slogan-slogan saka pejah gesang ndhèrèk bapak dadi mikul dhuwur, mendhem jero.[4]