Sasi utawa wulan utawa candra (kawi) iku prétungan ékan wektu, dipigunakaké sajeroning kalèndher, sing suwéné padha karo periode alam sing magepokan karo obahing bulan.
Konsèp tradhisional iki diwiwiti kanthi puteran fase bulan; sasi mau yaiku sasi sinodik lan suwéné 29,53 dina. Periset wis nyimpulaké yèn wong ngitung dina magepokan karo fase bulan wiwit jaman Paleolitik. Sasi sinodik isih wujud dhasar saka akèh kalèndher.