Selasa, iku dina katelu ing kalèndher Jawa (Saptawara), sawisé Senèn lan sadurungé Rebo. Jeneng Selasa iku asal saka basa Arab Tsalastaa kang tegesé telu. Jeneng liyané yaiku Anggara asal aka basa Sangskreta kang tegesé Mars, mèmper karo pangertèn sajeroning basa-basa ing Éropa. Ing basa Latin, dina iki diarani Martis dies kang tegesé "Dina Mars". Ing basa-basa Roman, kajaba basa Portugis, jeneng dina iki mèmper karo jeneng basa Latin yaiku: mardi ing basa Prancis, martes ing basa Sepanyol, martedì ign basa Italia, dimarts ing basa Catalan, lan marţi ing basa Romania.