Klass | psephite, karrek glastek |
---|---|
Restrennow kelmys war Gemmyn Wikimedia |
Kevili yw karrek wodhosek klastek komposys a dharnow myns grow po buli kromm po goelinek yn matriks a wodhesow gans perthyglow le, kepar ha tewes, fennleys po pri. An klastow ha matriks yw kelmys gans kalciom karbonat, horn oksid, silika po pri kaleshes. Gelwys yw kevili gans klastow trihornek po elynnek avel brecchia.
Kevili a furv pan vo grow menhes. I a hwer yn gweliow a bub oos dororiethel, mes i yw le ages 1% a dhalghedh karrygi godhosek oll. Hevelep yns i dhe grag yn aga furvow.
Kevili yw godhosys yn niver a gerghynedhow godhosek.
War an planet Meurth, ensamplow a gevili veu kevys gans gwandras NASA 'Curiosity' yn tyller henwys "Hottah". Gwirhaval yw an kevili dhe furvya war weli gover nans yw bilvilyow a vledhynnyow. An perthyglow yw yntra myns tewes ha pelyow golf. Hwithrans a dhiskwedhas an gover dhe liva orth gevradh kerdhes gans downder a feter.