Annus 67 a.C.n. e serie paginarum brevium de annis.

Millennia:	millennium 2 a.C.n. · millennium 1 a.C.n. · millennium 1
Saecula:	saeculum 2 a.C.n. · saeculum 1 a.C.n. · saeculum 1
Anni:	(71 a.C.n.) · 70 a.C.n. · 69 a.C.n. · 68 a.C.n. · 67 a.C.n. · 66 a.C.n. · 65 a.C.n. · 64 a.C.n. · 63 a.C.n. · 62 a.C.n. · 61 a.C.n. · (60 a.C.n.)

AVC DCLXXXVII = Manio Acilio Glabrione, Gaio Calpurnio Pisone consulibus

Eventa

Prima lex Gabinia, a tribuno plebis Aulo Gabinio lata, summum imperium in bello Mithridatico a Lucio Lucullo, qui id bellum paene confecerat, ad Acilium Glabrionem consulem transfert.
Altera lex Gabinia de bello piratico imperium extraordinarium et infinitum instituit ad bellum adversus piratas gerendum. Quae provincia Pompeio destinata erat, qui, immensa classe coacta, paucis mensibus piratas ex omni mari expulit ac postea eos in Cilicia proelio vicit et in mediterraneis agris collocavit, ita ut terris inter se divisis, ex agricultura quaestum haberent, non ex piratica. Quae lex vi perlata est, senatoribus vehementer obstantibus et infracta intercessione tribunicia.
Lex Calpurnia de ambitu, a consulibus instigante senatu lata, poenas graviores faciebat. Etenim ambitus tum rempublicam Romanam ad perniciem praecipitabat.
Lex Roscia theatralis, a tribuno plebis Lucio Roscio Othone lata, quattuordecim primos ordines in cavea equitibus adsignabat.

Apud Zelam Mithridates VI Luculli legatum Triarium vicit, in quo proelio multi tribuni centurionesque perierunt. Lucullus proelio iam confecto ex Armenia advenit. Paulo post milites eum sequi recusarunt quia consul Acilius Glabrio ei successor Roma missus erat. Ita Romani et Pontum et Cappadociam amiserunt et Mithridates paene totum regnum paternum reciperavit.

Reginae Salomae Alexandrae mortuae successit primum maior natu e filiis Hyrcanus. Qui segni indole et miti erat, fortasse regno impari ː post paucos menses frater eius Aristobulus secessionem fecit et rerum potitus est. Privatum in posterum fore pactus est Hyrcanus sed vir Idumaeus fortis et potens, Antipater nomine eius causam suscepit. Hyrcanum ad Nabataeorum regem Aretam, eius amicum, misit et societatem inter eos composuit. Unde bellum inter duos fratres de regno ortum est.

Nati

Nati huius temporis desiderati (additis natis, hanc formulam remove)

Salome Alexandra, regina Iudaeorum.

Categoriae