Antiphona (a Graeco τὰ ἀντίϕωνα) in liturgia Christiana, ut scribit Du Cange, est "cantus ecclesiasticus alternus, cum scilicet a duobus choris alternatim psalmi aut hymni concinuntur."[1] Iuxta morem antiphona ante et post psalmum decantatum canitur, rarius autem pluries (post unumquemque vel post secundum quemque versum psalmi) repetitur. Exempla celebra sunt antiphonae maiores, sive "antiphonae O", ultimis diebus Adventûs (17–23 Decembris) in Ecclesia Catholica Romana et Communione Anglicana[2] cantatae. Liber antiphonas continens antiphonale[3] vel liber antiphonarius dicitur.