Gestio
Geographia
Bodaibo[1] (Russice Бодайбо) est urbs in regione Ircutensi Russiae sita. In ripa Witimi fluvii dextra in ostio Bodaibo fluminis patet. Incolas 11 982 habuit anno 2020.
Nomen urbis in lingua Evenkensi hic locus significare dicitur. Anno 1862 Michael Sibirjakov mercator Ircutensis aurum in Bodaibo flumine invenit. Anno 1863 residentia Bodaibensis[2] usui operariis aurum elaborantibus condita est. Haec fodinae saepe Lenenses (Lenskie priiski) nominantur (nam Witimus Lenae confluvius est). Anno 1903 Nicolaus II in numerum urbium Bodaibo inclusit. Anno 1912 operarii fodinarum auri, operistitium longum tenentes, a militibus ferociter oppressi sunt, multique perierunt[3]. Usque adhuc auri producendi gratia urbs floret.
![]() |
Situs geographici et historici: Locus: 57°51′2″N 114°11′36″E • GeoNames • Facebook Places • Большая российская энциклопедия |