Gestio
Geographia
Coniunctiones urbium
Dresda est caput Saxoniae et urbs Rei publicae foederalis Germaniae interim etiam Germanae Democraticae Respublicae. Habet circa quingenta milia incolarum. Urbs iam temporibus antiquis valde nota et laudata erat ob aedificia, ecclesias, domus regias et hortos summa arte partos; multi electores ac reges Saxoniae studebant in augenda et amplificanda urbe, imprimis Fridericus Augustus I et filius, Fridericus Augustus II, uterque etiam rex Poloniae.
Anno 1206 Dresda primo in actis descripta est. Ab anno 1485 caput ducum Saxoniae fuit, ab anno 1806 caput Regni Saxoniae, atque ex anno 1918 rei publicae. Die 8 Aprilis 1839 ad Dresdam primum "Saxonia" hamaxa cucurrit. Inter bellum mundanum secundum anno 1945 maxima pars aedificiorum bombis Alligatorum deleta est.
Die 30 Octobris 2005 Ecclesia Dominae Nostrae Dresdae (Theodisce "Frauenkirche") iterum aperta est, postquam anno 1945 inter bellum mundanum secundum deleta et ab anno 1994 iterum exstructa est.
Anno 1828 Universitas litterarum et technicarum Dresdensis condita est, cui circa 35.000 studiosi sunt.
Quamquam Dresdae incolae maxima ex parte protestantes sunt, urbs sedes Dioecesis Dresdensis-Misnensis anno 1921 conditae est.
Opinione plurimorum visitatorum Dresda ad urbes maxime claras et pulcherrimas Germaniae numeranda est.
![]() |
Vicimedia Communia plura habent quae ad Dresdam spectant. |
Aquae Mattiacae • Berolinum • Brema • Dresda • Dusseldorpium • Erfordia • Hamburgum • Hannovera • Kielia • Magdeburgum • Moguntiacum • Monacum • Potestampium • Saravipons • Stutgardia • Suerinum | |