Epitaphium, ut perspicue indicat hoc verbum Latinum e sermone Graeco mutuatum, est nomen inditum brevi carmini quod inscribitur in sepulchro mortui, honorandi, aut commemorandi causa.
Ars componendorum epitaphiorum multum Antiquitate valebat, et multa elegantissima epitaphia, nonnunquam tristia, nonnunquam iocosa, reprobatoria aut laudabilia, in Anthologia Palatina legi possunt. Exempli gratia, lege epitaphium Raphaelis Sanctii, quod Petrus Bembus numeris elegiacis composuit:
- Ille hic est Raphael, timuit quo sospite vinci
- rerum magna parens, et moriente mori.