Georgius (vulgo: Georg) Milbradt (natus 23 Februarii 1945) vir publicus Germaniae et sodalis Christianae Democraticae Unionis Germaniae (CDU) est.
Schola finita Milbradt ab anno 1964 Monasterii oeconomiae, iurisprudentiae, mathematicae studebat. Ibi annis 1970 ad 1980 operis socius oeconomiae fuit. Tum veniam legendi accepit et anno 1985 professor extraordinarius oeconomiae universitatis Monasterii factus est.
Milbradt ab anno 1973 sodalis CDU erat. Annis 1983 ad usque 1990 Milbradt minister publicus rerum financiariarum urbis Monasterii fuit. Anno 1990 administer aerarii Saxoniae factus est a Curtio Biedenkopf, praeside ministrorum huius terrae. Anno 2001 ex eo magistratu a Biedenkopf dimissus est, quod de novo praeside ministrorum cogitavisset. Tamen 18 Aprilis 2002 contra voluntatem Curtii Biedenkopf summus magistratus Saxoniae factus est, primo sine coalitione, post suffragium anno 2004 perditum cum SPD. Annis 2001 - 2008 etiam praeses suae factionis in Saxonia fuit. Anno 2008 propter iacturas maximas Argentariae Saxoniae Terrae (vulgo: "Sächsische Landesbank") valde et a multis reprehensus ab officio recedere coactus est. Successor eius Stanislaus Tillich (CDU) 28 Maii 2008 creatus est.
 | |
|
Annis 1806 - 1952 Bernhardus de Lindenau |Julius Traugott de Könneritz |Carolus Braun |Gustavus Friedrich Held |Ferdinandus de Zschinsky |Fridericus Ferdinandus de Beust |Ioannes Paulus de Falkenstein |Ricardus de Friesen |Alfredus de Fabrice |Carolus de Gerber |Julius Ioannes de Tümmel |Hinricus Rudolph Schurig |Carolus de Metzsch-Reichenbach |Conradus Gulielmus de Rüger |Victor Alexander de Otto |Maximilianus Clemens Lotharius de Hausen |Henricus Gustavus de Beck |Rudolphus Heinze |Ricardus Lipinski |Georgius Gradnauer |Gulielmus Buck |Ericus Zeigner |Rudolphus Heinze |Alfredus Fellisch |Maximilianus Heldt |Gulielmus Bünger |Gualtherius Schieck |Manfredus de Killinger |Martinus Mutschmann |Rudolphus Friedrichs |Maximilianus Seydewitz Ab anno 1990 Curtius Biedenkopf |Georgius Milbradt |Stanislaus Tillich |Michael Kretschmer | |
