Linguae Caucasicae Septentrionales, aliquando simpliciter Caucasicae appellatae, sunt binae familiae linguarum in usu in Caucaso, praecipue in regionibus septentrionalibus: familia Caucasica Boreoccidentalis, etiam Pontica, Abasgico–Adygeica, Circassica, vel Caucasica Occidentalis appellata; et familia Caucasica Boreorientalis, etiam Nakh–Daghestanica vel Caucasica Orientalis appellata. Nonnulli linguistae, insigniter Sergius Starostin et Sergius Nikolaev, putant hos greges ex lingua communi abhinc annorum fere quinque milia ortos esse.^[1] Hoc autem propositum haud facile aestimatur, et controversum manet. Sunt a triginta quattuor ad triginta octo linguae Caucasicae Septentrionales distinctae.

Linguae Caucasicae Boreoccidentales

• lingua Abasgica;
• lingua Abassinica;
• lingua Adygeica;
• lingua Cabardinica.

Huic familiae fortasse pertinuit lingua Hattica exstincta.

Linguae Caucasicae Boreorientales

• lingua Ingussica;
• lingua Tsetsenica;
• linguae Daghestanicae:
  • lingua Andica^[2];
  • lingua Avarica;
  • lingua Darginensis;
  • lingua Lakensis;
  • lingua Lesghica, cuius propinquae sunt
    • lingua Rutulensis;
    • lingua Tabassaranica;
    • lingua Tsakhurensis;
    • lingua Udiensis.

Huic familiae fortasse pertinuerunt linguae Hurrica et Urartaea exstinctae.

Familiae cognatae

Quamquam linguae Caucasicae Septentrionales interdum simpilicter "Caucasicae" appellantur, sensu strictiore linguae Caucasicae Septentrionales sunt linguarum Caucasicarum pars; altera pars sunt linguae Kartvelianae.

Nexus interni

• Lingua Albaniana Caucasica
• Linguae Caucasi
• Linguae Dené–Caucasicae

Notae

Bibliographia

• Colarusso, John. 1988. The northwest Caucasian languages: a phonological survey. Novi Eboraci: Garland. ISBN 0824051807.
• Greppin, John A. C., ed. 1991. The Indigenous languages of the Caucasus. Delmar Novi Eboraci: Caravan Books. ISBN 0882060686 (vol. 1), ISBN 0882060694 (vol. 2), ISBN 0882060813 (vol. 4).
• Nikolayev, Sergei, et Sergei Starostin. 1994. North Caucasian Etymological Dictionary. Moscuae: Asterisk Press. Textus interretialis.