Marcus Atilius Regulus Calenus (nescimus, quo anno natus, quo mortuus sit) senator Romanus plebeius ac vir publicus erat.
Primus e gente sua ad consulatum pervenit. Filius eius Marcus Atilius M.f. Regulus anno 294 consulatum adeptus est.
Atilius anno 335 cum Marco Valerio Maximo Corvo consul erat. Hoc anno Valerius contra Ausonios certavit, qui oppidum Cales incolebant. Oppidum expugnavit et hostes vicit atque de eis triumphavit[1]. Sed et Atilius in pugnis se fortem praebuit, quoniam cognomen Caleni inde accepit.
Antecessores: Lucius Papirius L.f. Crassus et Kaeso (Gaius) Duillius |
Consul 335 a.C.n. cum Marco Valerio Maximo Corvo IV |
Successores: Spurius Postumius Albinus (Caudinus) et Tiberius Veturius Calvinus |