Michael Parson (die 17 Septembris 1955 natus in oppido Wheatland) est politicus Missuriae. Filius colonorum, sex annos in exercitu Civitatum Foederatarum militavit, in Germaniam missus, deinde et Havaios. Camerae repraesentantium Missuriensi ab anno 2004, senatui Missuriensi ab anno 2010 legatus est. Gubernator locum tenens eiusdem civitatis anno 2016 electus est, propter quod officium, gubernatore Erico Greitens die 1 Iunii 2018 dimissionem proferente, Michael Parson eodem die gubernator Missuriae inauguratus est.