Fructus Pruni avium
Prunoideae fuerunt subfamilia Rosacearum, sic a Paulo Theodori f. Horaninow anno 1847 nominibus "Prunariae vel Amygdalaceae" rite statuta. Idem fere grex plantarum anterius in familia, nomine olim "Pruniferae" et posterius "Prunaceae", anno 1820 a Martinov erectus erat; postea rursus in tribu reductus, nomine "Pruneae", auctoribus Bentham et Hooker filio; nomine "Amygdaleae", auctore de Candolle. Nomen "Amygdaloideae", ab Arnott anno 1820 statutum, etiam reperitur. Hodie de statu horum generum disputatur; satis constat e subfamilia Spiraeoidearum evenisse, sed an divisionem (tribum vel subtribum) aut duas divisiones constituunt, non liquet.
Genera in hanc subfamilia comprehensa fuerunt Maddenia, Oemleria, Prunus, Prinsepia.
