![]() |
Cave: notitiae huius paginae nec praescriptiones nec consilia medica sunt. |
Receptorium NMDA sive abbreviatura internationis NMDAR est unum trium receptoriorum ionotropicorum glutamati postsynapticorum cum effectibus excitatoriis celerrimis in neuronis, ideo est pars actionis raptae neuronalis circum synapsem[1]. Cum neurotransmissoribus et glutamati et glycini (sive D-serini) ligandis receptorium transgressionem celerissimam ionum calcii (Ca2+) permittit.
Anticorpora contra receptoriis NMDA aspectum encephalitidis limbicae efficere possunt[2].
Receptorium NMDA tetramerus ex duabus vel tribus variis subunitatibus constrictum est (heterotetramerus). Adhuc tria genera subunitatum notae sunt, GluN1 (seu NR1), GluN2 (seu NR2), GluN3 (seu NR3)[3]. Omnibus subunitatibus quaedam varietates inventae sunt. Functionis rectae semper subunitatem NR1 singularem cum NR2 singulari coniungi oportet.
Non minus quam octo subunitates descripti sunt. Genum nomine GRIN1 chromosomate 9 (9q34.3) locatum est (OMIM: 138249).
GluN2 subunitati quattuor subtypi, GluN2A, GluN2B, GluN2C, GluN2D descripti sunt. Subtypi GluN2A et GluN2B imprimis in cortice cerebri et hippocampo locati sunt[4]. Et GluN2A et GluN2B cum enzymis calcio-calmodulino-pendens proteini kinasis 2 (CaMKII) et PSD-95 coniunctae sunt[5]. Gena nomine GRIN2A chromosomate 16 (16p13.2) (OMIM: 138253), atque nomine GRIN2B chromosomate 12 (12p13.1) (OMIM: 138253) locata sunt.
Adhuc subunitati GluN3 (sive NMDAR-L sive chi) subtypi GluN3A et GluN3B noti sunt[6]. Subunitates GluN3 in cellulis formationis hippocampalis, sed etiam in cellulis granularibus cerebelli[7] una cum GluN1 et GluN2 constituens reperiuntur. Praeterea constitutio una cum GluN1 tantum inventa est. In neurogenesi GluN3 magis exprimi videtur[8].
Receptoria NMDA cum structura triheteromerica numerosa in systemate centrali nervosi videntur[9]. Ea tetrameri ex tribus subunitatis variis composita. Natura et functionis et structurae eorum ab diheteromericis differunt. Eo super maturationis synapsum et plasticitatis cerebri magnum momentum habent. Nimirum scienta ad substantias fabricandas, quae receptoria triheteromerica inhibere stimulareve queant, spectat. Per exemplum, in cerebelli cellulis granularibus potissmimum receptorium tri-heteromericum cum subunitatibus duabus GluN1, una GluN2A, una GluN2C inveniri videtur. In synaptibus hippocamporum imprimis subunitates GluN1/GluN2A/GluN2B locatae sunt[10].
Receptoria NMDA fluxum imprimis ionum calcii (Ca2+) permittunt, sed etiam natrii (Na+) et kalii (K+)[4].
Encephalitis cum anticorporis contra receptoria NMDA est inflammatio cerebri cum initio repentino apud adulescentes et adultos iuniores[1][11]. Non raro encephalitides limbicae istae cum alio malo oncologico sociatae sunt (teratomis, cancris ovarii, et aliis). Symptomata sunt psychiatrica, impedimentum memoriae.