Fines
Forma
Gestio
Vita
Commemoratio
Sigla
Regio Archangelopolitana[1] (Russice Архангельская область, tr. Archangel’skaja oblast’) est subiectum Foederationis Russicae, anno 1937 creatum, et ab anno 2000 in Districtum Foederalem Septentrio-Occidentalem Russicum inclusum. Area regionis 589 913 chm2 est. Circa 1 174 milia incolarum (anno 2016) habet.
Regio Archangelopolitana in septentrione planitiei Europaeae Orientalis sita est, in Pomoria antiqua, maribus Albo, Barentsiano Karensique alluitur, cum re publica Carelia in occidente, regione Murmanica in septentrione (per mare Album), regionibus Vologdensi et Kirovensi in meridie, re publica Komi atque per districtum autonomum Neneticum suum cum re publica Komi in meridie et regione austro-orientali, regione Tumenensi (districtu autonomo Iamalo-Nenetico) et territorio Crasnoiarensi (per mare Karense) in oriente contermina. Promontorium Fligely in insula Rudolfii terrae Francisci Iosephi, locus Russiae, Europae et Eurasiae longissime ad septentrionalem versus, et promontorium Flissingense in insula Boreali Novae Zemblae, locus Europae in extremum orientem versus, ad hanc regionem pertinent. Calguevia et Vaigatia aliaque insulae maris Barentsiani partes regionis habentur.
In regione Archangelopolitana multa flumina fluunt, quorum maxima sunt Duina Borealis (cum Wytschegda, Pinega et Vaga accolis), Onega, Mesen, quae tria in mare Album efuundntur; Petschora (cum Czilma accola) flumen maximum in sinum Petschoricum maris Barentsiani effunditur. Circa 2,5 milia lacuum in regione locantur.
Caput regionis Archangelopolis est. Ceterae urbes:
![]() |
Situs geographici et historici: Locus: 63°30′0″N 43°0′0″E • OpenStreetMap • GeoNames • Store norske Lexikon • Большая российская энциклопедия |
![]() |
Vicimedia Communia plura habent quae ad regionem Archangelopolitanam spectant. |