Theodorus Comnenus Ducas (anno fere 1180 natus; mortuus post annum 1253) fuit filius natu tertius Ioannis Ducae Angeli sebastocratoris e familia Angelorum. Sororem gemellam habuit. Anno 1214 aut 1215, fratre notho Michaele (qui se Epiri despotam constituerat) necato Theodorus nepotem suum Michaelem II e despotatu eiecit seque despotam constituit. Anno fere 1225 titulum imperatoris Romanorum affectavit; fratrem Constantinum mox despotam creavit gubernatoremque Aetoliae et Acarnaniae.