Gestio
Geographia
Coniunctiones urbium
Zvenigorodia[1] (Russice Звенигород, Zvenigorod) est urbs in regione Moscuensi Russiae sita. Incolas 21 921 habet anno 2019. In ripa laeva Mosci fluminis patet. Zvenigorod Russice ut urbs tinniendi intelligi potest, qua de causa campana in insigni Zvenigorodiae picta est.
Nonnulli Zvenigorodiam anno 1152 a Georgio Longimano conditam esse putant, sed certe urbs primum in testamento Ioannis Bursae anno 1339 memorata est, qui Ioanni Pulchro filio suo eam dedit. Sic ducatus Zvenigorodiensis formatus est. Demetrius Tanaiticus anno 1389 ducatum Zvenigorodiensem Georgio filio suo reliquit. Georgio duce urbs florebat: anno 1398 sanctus Sabbas monasterium Nativitatis Sanctae Dei Genetricis prope urbem condidit, anno 1399 ecclesia cathedralis Dormitionis in arce Zvenigorodiae, quae Gorodok (i.e. Oppidum, Oppidulum) nominatur, aedificata est. Anno 1435 Georgio mortuo Basilius Luscus, filius eius, ducatum accepit.
![]() |
Vicimedia Communia plura habent quae ad Zvenigorodiam spectant. |