La gramatica de lingua franca nova (elefen) es un simpli de la gramatica comun de alga linguas romanica: catalan, espaniol, franses, italian, e portuges. La resulta sembla la gramatica de la creoles romanica, como aitian, capoverdean, papiamento, e xavacano.
Elefen usa la du alfabetas la plu comun conoseda en la mundo: la roman (o latina) e la cirilica.
| Roman | a b c d e f g h i j l m n o p r s t u v x z |
| Roman, major | A B C D E F G H I J L M N O P R S T U V X Z |
| Cirilica | а б к д е ф г х и ж л м н о п р с т у в ш з |
| Cirilica, major | А Б К Д Е Ф Г Х И Ж Л М Н О П Р С Т У В Ш З |
K, Q, W, e Y no apare en parolas comun. On usa los sola per conserva la formas orijinal de nomes propre e de parolas stranjer. Lo es simil per acel leteras de la alfabeta cirilica cual no es listada.
Ance H no es comun, ma on trova lo en alga termas tecnical e cultural.
On usa un letera major a la comensa de la parola prima en un frase.
On usa un letera major ance a la comensa de un nom propre. Cuando un nom propre conteni plu ca un parola, on dona un letera major a cada parola – ma no a parolas minor como la e de:
| Persones | real o imajinada, e ance animales e cosas personida – Maria, San Paulo, Barack Obama, Jan de Hartog, Seniora Braun, Oscar de la Renta, Mickey Mouse |
| Organizas | pe: companias, asosias – Ikea, Nasiones Unida, Organiza Mundal de Sania |
| Areas political | pe: nasiones, statos, sites – Frans, Atina, Site de New York, Statos Unida de America |
| Locas jeografial | pe: rios, mares, lagos, montanias – la Alpes, Rio Amazon, Mar Atlantica |
| Leteras de la alfabeta | E, N |
Ma con titulos de operas de arte e leteratur, on dona un letera major sola a la parola prima de la titulo (e a cualce nomes propre cual apare):
A veses, como en avertis, on usa leteras major per asentua parolas o frases intera.
Elefen usa leteras minor do alga linguas usa leteras major:
| Dias de la semana | lundi, jovedi |
| Menses | marto, novembre |
| Festas e avenis simil | natal, ramadan, pascua |
| Sentenios | la sentenio dudes-un |
| Linguas e poplas | catalan, xines |
| Cortis | lfn, pf |
On usa la silabas seguente per nomi leteras en parla, per esemplo cuando on spele un parola:
| a be ce de e ef ge hax i je ka el em |
| en o pe qua er es te u ve wa ex ya ze |
Estas es nomes, e on pote plurali los: as, bes, efes.
En scrive, on pote presenta simple la letera mesma, en forma major, con -s ajuntada en la plural:
On pronunsia la leteras A, E, I, O, e U como en espaniol o italian:
| A | [a] | plata frontal abrida | ambasada |
| E | [e] | plata frontal medial | estende |
| I | [i] | plata frontal cluida | ibridi |
| O | [o] | ronda dorsal medial | odorosa |
| U | [u] | ronda dorsal cluida | cultur |
La sonas de la vocales permete alga varia. Per esemplo, on pote pronunsia A como [ɑ], E como [ɛ] o [ej], e O como [ɔ] o [ow] sin causa malcomprendes.
Normal, cuando un vocal segue un otra, on pronunsia los en du silabas separada. Ma cuando la vocal du es I o U, la du vocales formi un diftongo:
| AI | [aj] | pais |
| AU | [aw] | auto |
| EU | [ew] | euro |
| OI | [oj] | seluloide |
La ajunta de un prefisa no crea un diftongo: reuni [re-uni], supraindise [supra-indise]. Per razonas simil, du silabas separada es ance normal en alga otra parolas: egoiste [ego-iste], proibi [pro-ibi]. La disionario indica tal parolas, pe: "proibi (o-i)".
La segue EI es rara. Lo es normal pronunsiada como du vocales separada: ateiste [ate-iste], feida [fe-ida], reinventa [re-inventa]. Ma si on trova ce esta pronunsia es difisil, on pote dise [ej] o an [e] en loca.
Cuando I o U presede un otra vocal, on redui lo a un semivocal – [j], [w] – en la casos seguente:
| A la comensa de un parola | ioga [jo-ga], ueste [we-ste] |
| Entre du otra vocales | joia [ʒo-ja], ciui [ki-wi], veia [ve-ja] |
| CU, GU ante un vocal | acua [a-kwa], cual [kwal], sangue [san-gwe] |
En otra casos – pe: emosia, abitual, plia – la I o U resta como un vocal plen. An si esta regulas defini la pronunsia normal per diftongos, on pote iniora los sin confusa.
La leteras seguente es consonantes:
| B | [b] | esplodente bilabial con vose | bebe |
| C | [k] | esplodente velal sin vose | clica |
| D | [d] | esplodente dental/alveolal con vose | donada |
| F | [f] | fricante labiodental sin vose | fotografi |
| G | [g] | esplodente velal con vose | garga |
| H | [h] | fricante glotal sin vose | haicu |
| J | [ʒ] | fricante posalveolal con vose | jeolojia |
| L | [l] | prosiminte ladal dental/alveolal con vose | lingual |
| M | [m] | nasal bilabial con vose | mesma |
| N | [n] | nasal dental/alveolal con vose | negante |
| P | [p] | esplodente bilabial sin vose | paper |
| R | [r] | vibrante dental/alveolal con vose | rubarbo |
| S | [s] | fricante dental/alveolal sin vose | sistemes |
| T | [t] | esplodente dental/alveolal sin vose | tota |
| V | [v] | fricante labiodental con vose | vivosa |
| X | [ʃ] | fricante posalveolal sin vose | xuxa |
| Z | [z] | fricante dental/alveolal con vose | zezea |
Nota la puntos seguente:
Car alga consonantes es difisil per alga parlores, elefen permete la varias seguente:
Cuando leteras stranjer apare en un parola, los ave normal la pronunsias seguente:
| K | [k] | como C |
| Q | [k] | como C |
| W | [u] o [w] | como U |
| Y | [i] o [j] | como I |
En la alfabeta cirilica:
| Ё | [jo] | como IO |
| Й | [i] o [j] | como I |
| Ц | [ts] | como TS |
| Ч | [tʃ] | como TX |
| Щ | [ʃtʃ] | como XTX |
| Ы | [i] | como I |
| Э | [e] | como E |
| Ю | [ju] | como IU |
| Я | [ja] | como IA |
An si la asentua de silabas no ave un rol multe importante en elefen, asi es alga sujestes cual on pote segue:
En alga casos, elefen pote reteni un asentua trovada en la linguas romanica:
Denova: lfn no usa la asentua per distingui parolas, e on debe usa no asentua (como en japanes), un asentua minimal (como en franses e rusce), o an un asentua a la silaba prima (como en txesce).
Elefen no es un lingua tonal. An tal, per indica ce un frase es un demanda, un modo posible es fini con un tono asendente:
La formas de parolas comun en elefen es constrinjeda par alga regulas.
Du esemplos de la mesma vocal (como aa) no pote sta a lado de lunlotra, estra cuando esta es la resulta de ajunta un prefisa: "re-envia", "co-opera". En esta casos, on pronunsia ambos vocales.
La segue ei es normal trovada sola en parolas cual ave un prefisa cual fini con e (como pre-istoria e re-incarne) e en parolas cual ave un sufisa cual comensa con i (como fe-in e ve-ida). La pronunsia normal de ei es como du vocales separada, ma on pote dise [ej] o [e] si on prefere.
Cuando un sufisa ta crea un mal segue de vocales, on sutrae la vocal du de la segue:
A la comensa de un silaba, on permete sola la grupos seguente de consonantes:
A la fini de un silaba, on permete sola la consonantes seguente, e un vocal debe sta direta ante los:
Un grupo de consonantes en la media de un parola es bon si on pote divide lo entre du bon silabas:
Esta regulas no aplica a la nomes propre, e a alga parolas tecnical, internasional, e cultural.
La plu frases en elefen conteni un sintagma verbin cual indica comun la aveni de un ata. Un sintagma verbin es composada de un verbo e cualce elementos cual descrive lo, como averbos e sintagmas de preposada.
La plu frases conteni ance a la min un sintagma nomin, cual indica comun un person o un cosa. Un sintagma nomin es composada de un nom e cualce elementos cual descrive lo, como determinantes, ajetivos, e sintagmas de preposada.
La du sintagmas nomin la plu importante es los con la rol de sujeto e ojeto. Se sinifias esata depende de la verbo elejeda, ma on pote dise laxe ce la sujeto es la person o cosa cual fa la ata, e la ojeto es la person o cosa direta tocada par la ata.
En elefen, la sujeto presede e la ojeto segue sempre la verbo:
En alga casos, per stilo o clari, on vole pone la ojeto de la verbo a la comensa de la frase. En esta casos, la ojeto debe es segueda par un virgula, e un pronom per la ojeto es usada pos la verbo:
La plu verbos nesesa un sujeto, ma multe no nesesa un ojeto.
Un otra composante comun de frases es la completinte. Esta es un descrive ajuntada de la sujeto, e el pote segue verbos como es, deveni, pare, e resta:
Alga linguas permete ce ance la ojeto ave un completinte, como en *"los ia eleje el presidente". Esta spesie de completinte no esiste en elefen.
Un otra composante major de frases es la sintagma de preposada. El ajunta un detalia a un nom o verbo presedente, o a la frase intera:
En ajunta a sintagmas, alga frases conteni proposas, cual sembla frases minor situada en la frase major. Los pote descrive sintagmas nomin, sintagmas verbin, o la intera de la frase major:
Comun, on introdui un nom (o sustantivo) con determinantes, e pote segue lo con ajetivos e sintagmas de preposada, per produi un sintagma nomin. Nomes tipal indica ojetos fisical como persones, locas, e cosas – ma nomes pote indica ance consetas plu astrata cual condui simil en gramatica.
On nom es la plu clar indicada par un determinante, spesial par la, un, o la -s o -es de pluralia. Un preposada indica ance ce un nom segue, an sin un determinante.
On ajunta -s a un nom per plurali lo. Si la nom singular fini con un consonante, on ajunta -es en loca. La sufisa plural no cambia la asentua de la parola:
Un ajetivo cual descrive un nom no cambia cuando la nom es plural. Ma cuando on usa un ajetivo como un nom, on pote plurali lo:
Alga nomes cual es plural en alga linguas es singular en elefen:
Como multe linguas, elefen distingui nomes contable e noncontable. Un nom contable pote es descriveda con un numero, e pote aseta la -s pluralinte. La nomes contable la plu tipal representa ojetos cual es clar cosas individua, como casas, gatos, e pensas. Per esemplo:
En contrasta, nomes noncontable (nomida "nomes de masa" a veses) no aseta jeneral la -s pluralinte. La nomes noncontable la plu tipal indica masas cual no ave individuas clar, como licuidas (acua, jus), polvos (zucar, arena), sustantias (metal, lenio), o cualias astrata (belia, lentia). Cuando on descrive los con un parola de cuantia, on ajunta frecuente un unia de mesura per claria. Per esemplo:
An tal, on pote usa nomes noncontable en un modo contable. Los indica alora esemplos o casos individua:
Normal, nomes no indica sua seso. Per distingui la sesos, on usa la ajetivos mas e fema:
Ma en alga parolas per relatadas de familia, on distingui la femas con -a e la mases con -o:
On pote ance eleje usa formas "neutra" de alga de estas:
On ave ance alga duples cual usa parolas diferente per la du sesos:
Estas ave formas "neutra" unica:
La sufisa rara -esa formi la varias fema de alga roles sosial en istoria:
Un sintagma nomin conteni un nom e sua descrives: determinantes, cual presede la nom, e ajetivos e sintagmas de preposada, cual segue lo.
La du sintagmas nomin la plu importante en un frase es la sujeto e la ojeto. La sujeto presede la verbo, e la ojeto segue la verbo. Otra sintagmas nomin es usual introduida par preposadas per clari sua rol.
Un sintagma nomin nesesa normal un determinante – cisa sola -s, la sufisa pluralinte. Ma esta regula no aplica a nomes propre, a la nomes de dias de semana, menses, e linguas, e a nomes noncontable:
On laxi frecuente la regula ance cuando un sintagma nomin segue un preposada, spesial en espresas fisada:
Un ajetivo o determinante pote es descriveda par un averbo presedente. Car averbos aspeta como ajetivos, on separa normal plu ca un ajetivo con virgulas o e. En parla, la ritmo de la frase clari la difere:
A veses, un nom es sola un simbol per cualce membro de sua clase. En tal casos, lo no es multe importante esce on usa la o un, o esce la nom es plural o singular:
Un pronom es un caso spesial de un sintagma nomin. Normal, on no pote ajunta un descrive a un pronom.
On dise ce du sintagmas nomin es en aposa cuando la un segue direta la otra, e ambos refere a la mesma person o cosa. En la plu casos, la sintagma du identifia la person o cosa:
Acronimes e leteras simple pote segue direta un nom per descrive lo:
A alga veses, du nomes conveni egal a un cosa o person. En esta casos, la nomes es juntada par un ifen:
En tota casos, la plural -s o -es es ajuntada a ambos nomes:
Un caso spesial pertine a la verbo nomi:
Un determinante es un parola cual descrive un nom per espresa la refere de la nom, incluinte sua identia e cuantia. Con eseta de la sufisa pluralinte -s (cual on regarda como un determinante en elefen), la determinantes presede sempre la nom.
On ave clases variosa de determinante. Esemplos tipal de cada clase es: tota, la, esta, cual, cada, mea, multe, otra.
Tota indica la cuantia completa de la cosa indicada par la nom, cual debe es plural si lo es contable. Diferente de cada, tota refere a la cosa intera, no a la individuas separada cual composa lo:
On pote usa ambos en loca de tota cuando on sabe ce la cuantia completa es sola du. La nom debe es plural:
Semantical, tota e ambos no difere de la determinantes de cuantia, ma on trata los como un clase separada par causa de sua sintatica: los presede tota otra determinantes en un sintagma de nom, incluinte la.
On pote usa los ance como pronomes.
Elefen ave du articles – la article de defini (la), e la article de nondefini (un). Asi, "defini" sinifia ce la cosa indicada par la nom es "ja conoseda", e donce ce lo no es un cosa nova.
La introdui un nom cual indica un person o cosa de cual la escutor es ja consensa. On usa lo en esta spesies de situa:
On ia refere ja a la cosa:
La escutor pote divina fasil ce la cosa esiste:
La resta de la frase spesifa sufisinte bon la cosa:
La escutor pote persepi direta la cosa:
La cosa es bon conoseda a cadun. Esta inclui campos de studia e nomes consetal:
Un introdui un nom singular cual refere a un person o cosa cual la escutor no conose ja. On no usa lo con nomes plural o noncontable. (Lo servi ance como un determinante de cuantia.)
Alga linguas ave un otra article per indica un cuantia nondefinida de un nom noncontable. Elefen usa la, o no article:
La determinantes de mostra dirije a la cosa indicada par la nom. Los loca lo en tempo o spasio, o en la testo mesma.
Esta es simil a la, ma lo dirije a un cosa cual es prosima a la parlor, o fisical o metafor:
Acel es ance simil a la, ma lo dirije a un cosa cual es distante de la parlor, o a la min plu distante ca esta:
On pote converti esta e acel a pronomes.
La determinantes de demanda es un modo de crea demandas.
Cual fa un demanda de identia o spesie:
Cuanto fa un demanda de cuantia, o contable o noncontable:
On usa cual e cuanto ance como pronomes.
La determinantes de eleje indica alga individuas entre otras:
Cada es simil a "tota", ma lo considera la cosas como individuas, la un pos la otra. La nom debe es contable ma singular:
Cualce indica ce lo no es importante cual on eleje: cada es egal bon. La nom es normal contable:
Alga indica ce la identia de la cosa indicada es nonspesifada:
Cuando on usa alga con un nom noncontable, o un nom contable e plural, lo indica ce no sola la identia es nonspesifada, ma la cuantia ance. On comprende jeneral ce la cuantia nonspesifada es relativa peti – si no, on ta dise multe – ma no tan estrema peti como con poca:
No indica la manca de la cosa indicada par la nom:
Sola sinifia ce no otras (o no otra cosa) esiste o pertine:
Esta determinantes, estra no e sola, pote es usada como pronomes. Los formi ance la pronomes spesial cadun, cualcun, algun, e nun, cual refere a persones. Per refere a cosas, on ajunta simple la parola cosa pos la determinantes.
La determinantes de posese es mea, tua, nosa, e vosa:
On pote ance indica la posese con un sintagma como de me:
La determinante de posese per la person tre es sua, egal per tota la pronomes el, lo, los, on, e se:
La determinantes de cuantia aida ce on espresa la cuantia de la cosa indicada par la nom:
La sufisa pluralinte -s es la plu fundal entre la determinantes de cuantia. Un sintagma nomin cual inclui un nom plural no nesesa un otra determinante:
Un es no sola la article de nondefini, ma ance un numero. Lo indica un esemplo solitar de la cosa indicada par la nom. Donce la nom debe es contable ma singular:
Simil, la otra numeros cardinal – du, tre, cuatro, etc – es ance determinantes de cuantia.
Multe indica un cuantia grande, o contable o noncontable, de la cosa indicada par la nom:
Poca es la antonim de multe. Lo indica un cuantia peti, o contable o noncontable:
Plu indica un cuantia plu grande de la cosa indicada. On pote usa lo con nomes plural e nomes noncontable. La plu indica la majoria, un cuantia plu grande ca tota otras:
Min es la antonim de plu. Lo indica un cuantia plu peti, e on pote usa lo con nomes plural e nomes noncontable. La min indica la minoria, un cuantia plu peti ca tota otras:
Con eseta de no, on pote converti tota determinantes de cuantia a pronomes.
Cuatro otra determinantes pertine a la consetas de similia e difere:
La mesma indica ce no difere importante esiste entre la cosa indicada par la nom e un otra cosa. La du es tan simil ce on no pote distingui los. Normal, on debe usa la ante mesma, ma on pote usa ance esta o acel:
Otra indica ce la cosa indicada par la nom no es la mesma – un difere esiste, o lo es un esemplo nova:
Tal sinifia de esta spesie o de acel spesie:
Propre asentua la pertine de la cosa indicada par la nom a sua posesor. Lo es spesial usosa pos la determinante sua per clari ce la sinifia es refletante, pd: la cosa indicada parteni a la sujeto de la frase:
La determinantes segue un ordina normal:
Per esemplo:
Un pronom es un parola cual sustitui per un sintagma nomin plu longa.
Tu es singular e vos es plural en tota situas, e formal e casual.
El es usada per refere a persones, e a animales como mamales e avias. On pote estende metafor la usa a otra viventes, robotes, la luna, tempestas, etc.
Lo es usada per refere a cosas, viventes simple, ideas, consetas, etc.
Los es usada como la plural de ambos el e lo.
Elefen no distingui la seso de el. Nomes propre, e sintagmas corta como la om, la fem, la xica, e la xico, es bon alternativas per pronomes cual indica la seso. (Alga parlores usa elo e ela, parolas nonofisial, per refere a un person mas e un person fema cuando ambos es presente en la situa.)
On pote segue un pronom de person con un suproposa ajetivin. Si la sinifia resta clar, on pote omete la pronom de person e lasa ce la pronom-sujunta fa un labora duple:
On es un pronom jeneral e nondefinida, como "on" en franses o "man" en deutx. Lo sinifia "persones jeneral" o "un person acaso e ipotesal". Lo evita frecuente la nesesa de un verbo pasiva:
Se es la pronom refletante per la person tre, e singular e plural. Lo refere a la sujeto de la verbo corente, ma lo mesma es nunca la sujeto.
La pronomes de posese es la determinantes de posese, presededa par la:
Esata como on pote converti un ajetivo a un nom, on pote converti la plu de la determinantes a pronomes. La pronomes esta, acel, e otra aseta sempre la -s pluralinte. On pote ajunta -s ance a alga otra pronomes, si esta clari la sinifia.
Esemplos:
On pote usa la numeros cardinal como pronomes cual indica grupos de la grandia spesifada. Esta pronomes no aseta normal la -s pluralinte, e los no nesesa determinantes:
Per indica multiples nonesata de numeros como sento, mil, o milion, on ajunta la -s pluralinte:
On no pote converti la a un pronom. On usa el, lo, o los en loca:
On no pote usa no como un pronom, ma lo jenera nun e no cosa. On pote usa ance la numero zero como un pronom.
La idiom la un la otra sinifia ce du persones o cosas ata mutua a se. Lo ave varias como la un o la otra, la un pos la otra, e la un sur la otra:
En alga frases, un pronom es direta segueda par un verbo e pote es malcomprendeda como un determinante segueda par un verbo reusada como un nom. Per esemplo, sin contesto, on no pote sabe serta esce acel veni de Italia sinifia la veni de Italia o lo veni de Italia. En la plu de casos, la intende es intera evidentida par la situa. Ma si on es un comensor en elefen, o on desira evita es malcomprendeda, on pote pone un nom simple – como person o cosa – pos la determinante en loca de converti lo a un pronom:
En alga casos, on vole clari ce la nom verbal no es un verbo. Con parolas como alga, multe, e poca, on pote ajunta de entre la determinante e la nom; la determinante deveni alora un pronom, ma la nom no deveni un verbo. Con otra determinantes, como esta e acel, on pote usa la ante la determinante:
Elefen ave du pronomes cual on usa per crea demandas direta:
Ci es sola un pronom, e on debe no usa lo como un determinante.
Cual es fundal un determinante, ma on usa comun lo ance como un pronom, si on aseta la risca rara de malcomprende de espresas como cual veni de Italia.
Esemplos:
On usa ci e cual ance en demandas reportada.
Cual e ci servi ance como pronomes-sujuntas, per introdui suproposas ajetivin:
La pronom-sujunta per un person o animal es ci. La pronom-sujunta per otra cosas es cual:
Con alga suproposas ajetivin, la frase xef omete la nom cual la proposa descrive. La pronom-sujunta mesma apare en loca de acel nom. Alora, on pote usa lo cual en loca de cual e el ci en loca de ci si on vole evita confusa:
On ave cuatro pronomes spesial cual refere a persones. On usa los sola a modo singular:
Esemplos:
La corespondentes de algun, cualcun, cadun, e nun per cosas es alga cosa, cualce cosa, cada cosa, e no cosa.
Normal, on no descrive pronomes con determinantes o ajetivos, ma on pote descrive los con sintagmas de preposada:
Un ajetivo es un parola cual altera la sinifia de un nom. Un ajetivo tipal indica un cualia de la person o cosa cual la nom indica.
En elefen, ajetivos no cambia per indica la cuantia o la seso.
La plu ajetivos segue la nom cual los descrive. Ma bon e mal presede normal la nom, estra cuando los mesma ave descrives:
En la plu de casos, on pote ajunta plu ca un ajetivo pos la nom sin causa confusa. Ma en alga casos, un de la ajetivos pote ance es comprendeda como un averbo cual altera la sinifia de la ajetivo seguente. On pote pone e entre la ajetivos per evade la confusa:
En alga casos, on pote pone un ajetivo ante la nom: per stilo en poesias o naras, o cuando on ave du ajetivos con pesas simil:
La ajetivos la plu conveninte per esta usa es la plu simples e cortas, como bela, fea, nova, vea, grande, e peti.
On formi ajetivos comparativa par ajunta la averbos plu e min. La preposada en un tal compara es ca:
On formi ajetivos superlativa par ajunta la averbos la plu e la min:
On pote combina numeros ordinal con la construi superlativa:
Comparas de egalia usa la combina tan... como...:
On pote reusa cualce ajetivo, sin cambia, como un nom per un person o cosa cual ave la cualia de acel ajetivo. La nom resultante obedi la regulas normal per nomes – lo aseta -s cuando plural, lo nesesa un determinante, e on pote an descrive lo con ajetivos:
Esata como ajetivos es parolas cual descrive nomes, averbos es parolas cual descrive cuasi cualce otra cosa, per esemplo verbos, ajetivos, otra averbos, determinantes, preposadas, sintagmas de nom, e an frases completa. Usual, averbos informa sur locas, tempos, situas, causas, maneras, o grados.
En elefen, averbos e ajetivos ave la mesma forma. On clari la difere par la loca: ajetivos segue nomes; averbos segue verbos e presede otra parolas:
Un averbo (o sintagma averbin) cual descrive un verbo (o la frase completa) pote apare ance a la comensa de la frase. E si esta no causa confusa, on pote pone un averbo ance a la fini de la frase. Averbos es ance poneda pos la ojeto de la verbo, spesial si la ojeto es un pronom:
En alga casos, un averbo ante un ajetivo pote es liada par un ifen per clari la sinifia:
On pote ance clari un sinifia averbal par dise en modo o a grado:
On compara averbos esata como on compara ajetivos.
En ajunta a la cuantia vasta de averbos derivada de ajetivos, elefen ave alga parolas cual es sola averbos:
Tan es usada en esclamas:
On pote converti alga determinantes de cuantia a averbos, per indica grados de veria.
No como un averbo sinifia "a no grado". Lo nega la cosa cual lo descrive. En un caso spesial, cuando lo descrive un verbo, lo presede la verbo:
Alga como un averbo sinifia "a alga grado":
Multe como un averbo sinifia "vera", "estrema", "a un grado alta", "en un cuantia grande":
Poca como un averbo sinifia "no multe", "a un grado sola basa", "en un cuantia sola peti":
Plu e min como averbos sinifia "a un grado plu alta", "en un cuantia plu grande", "per un tempo plu longa", e "a un grado plu basa", "en un cuantia plu peti":
La plu e la min como averbos sinifia "a la grado masima", "en la cuantia masima", e "a la grado minima", "en la cuantia minima":
On pote usa la averbos seguente en maneras diversa:
Los crea demandas direta e reportada, e los introdui suproposas ajetivin. Par estende de sua usa en suproposas ajetivin, los condui ance como sujuntas per introdui suproposas averbin – cuando, per esemplo, es alora un corti de a la tempo cuando. On pote introdui los ance con preposadas.
Cuando sinifia "a cual tempo", "en cual tempo":
Do sinifia "a cual loca", "en cual loca". Cuando on usa lo con un verbo de move, do sinifia comun "a do", "en dirije a cual loca":
Como sinifia "en cual modo". Lo condui ance como un preposada cual sinifia "simil a" o "per esemplo":
Cuanto sinifia "en cual cuantia". Lo opera ance como un determinante de cuantia con la mesma sinifia:
Perce sinifia "par cual causa", "per cual razona", "con cual intende"). La sujuntas corespondente es car ("per la causa ce", "per la razona ce") e afin ("con la intende ce"). On usa sempre la parola spesial perce, no per cual:
Un verbo tipal indica la aveni o la sesa de un ata (core, para), un relata (ave, perde), o un state (sta, fonde). En elefen, verbos no cambia per indica cosas como tempo o moda. En loca, on usa averbos – spesial la tre preverbos ia, va, e ta. On pote usa cada verbo sin cambia como un nom.
La tempo futur es indicada par va (un parola de orijina franses). La tempo pasada (incluinte la pasada e presente perfeta) es indicada par ia (de xavacano). Estas es averbos spesial cual presede la verbo. On no marca la tempo presente:
Naras descrive comun avenis en la pasada, un pasada imajinada, o un tempo cual no importa a la lejor. En esta casos, on pote lasa ia cade.
Elefen no distingui entre la modas perfeta e nonperfeta de la verbo. Ma on pote clari la segue de tempo de du atas par marca la ata plu temprana con ja:
Elefen ave otra metodos per clari la segue tempal:
Elefen ave ance ta, un parola elejable (de orijina en creol aitian), cual indica un moda nonreal, per esemplo cuando un situa es imajinal, dutada, desirada, o sola posible. Un frase con ta parla sur un mundo alternativa. En un tal frase con si, on inclui ta en la proposa xef, ma on omete normal lo en la proposa de si – ma sua inclui no es proibida. Ta pote sujesta un futur min probable ca lo de va. On pote ance usa ta per indica un demanda cortes o per "moli" parolas como vole, pote, e debe. On usa lo en situas variosa do multe linguas usa un moda dependente o sujuntiva:
Jeneral, on pote usa sola un de va, ia, e ta con un verbo. Un eseta es ia ta, cual sinifia lo cual la linguas romanica indica par la moda dependente en la pasada, e lo cual engles indica par "would have". Un esemplo es un declara divertinte par Richard Nixon:
Cuando on reporta la parla, on reteni la tempo de la dise orijinal:
On no marca la forma de verbos per un comanda. Lo difere de la tempo presente sola par la asentia de la sujeto. La sujeto ta es normal tu o vos – la person o persones a cual on dona la comanda. On usa ta ce si on nesesa inclui la sujeto:
On nega un verbo con la averbo no, cual presede e la preverbos e la verbo:
Un partisipio es un verbo usada como un ajetivo o averbo. On crea un partisipio ativa par ajunta -nte a la verbo, e un partisipio pasiva par ajunta -da a la verbo. Estas es ajetivos, ma los es egal bon usable como averbos o nomes. La partisipio ativa implica un ata continuante, e la partisipio pasiva sujesta ce la ata aveni en la pasada:
La partisipio ativa pote ave un ojeto. Ance, lo pote es usada como un completinte de la verbo es per indica la moda continuante:
Ma un construi con un partisipio es frecuente nonesesada. On ave otra metodos per espresa esta sinifia:
On pote usa la partisipio pasiva como la completinte de la verbos es o deveni, per produi un sinifia pasiva. On pote inclui par si on vole indica la sujeto orijinal:
Comun, on usa on o algun como la sujeto de un frase ativa en loca de un frase pasiva:
La partisipio ativa de es es esente:
Un verbo transitiva es un verbo cual pote es direta segueda par un nom (un ojeto), sin un preposada interveninte. Un verbo nontransitiva no ave un ojeto. Per esemplo:
Transitivia es ajustable en elefen. Per esemplo, si on ajunta un ojeto pos un verbo nontransitiva, la verbo deveni transitiva. La ojeto coresponde semantical a la sujeto nontransitiva, e la verbo sinifia aora "causa ce (la ojeto) ...":
On pote omete la ojeto de un verbo transitiva si lo es ja evidente par la situa o la contesto:
Cuando la ojeto e la sujeto de un verbo es la mesma cosa, on pote usa un pronom refletante per la ojeto:
E on pote clari ce on usa un verbo en un modo transitiva par usa espresas con fa o causa:
En alga linguas, la ojeto de un verbo transitiva pote ave un completinte. Elefen usa otra construis en loca:
La eseta unica es la verbo nomi. On regarda esta como un esemplo de aposa.
Cada verbo finitiva en elefen ave un sujeto, an si lo es no plu ca un teniloca.
En alga linguas, on omete la sujetos de verbos cual refere a la clima o a la ambiente jeneral. En elefen, on usa lo:
Un otra caso es cuando la sujeto vera es la proposa nomin cual segue la verbo. Car acel es posponeda, on usa lo como un sujeto pupetin:
Simil, con la verbo es, cuando la sujeto es un pronom (tipal el, lo, o los) segueda par un proposa ajetivin, on pote move la sujeto a la fini de la frase e usa lo como un pupetin:
On usa on ave per indica ce alga cosa esiste o es presente:
Elefen ave du modos per usa verbos como nomes: la infinitiva e la nom verbal. Ambos usa la verbo sin altera. La infinitiva no aseta un sujeto o indicante de tempo o modo, ma lo pote ave averbos e un ojeto. Normal, lo segue un otra verbo o un preposada. La nom verbal es un nom vera, e es presededa par la o un otra determinante. Lo pote ave ajetivos, ma on debe usa un preposada (frecuente de) si on vole inclui la ojeto.
Un usa de la infinitiva es como la ojeto de un otra verbo. En elefen, esta formi lo cual on nomi un cadena de verbos. La sujeto de la verbo prima debe es ance la sujeto de la verbo du, e la ojeto es poneda pos la verbo du. Pos la verbo prima, on pote inclui averbos cual altera acel verbo, e la parola no per nega la verbo du:
En ajunta a opera como la ojeto de un otra verbo, un verbo pote apare pos un preposada. Esta verbo pote aseta ancora no ante se, e averbos e un ojeto pos lo:
Un nom verbal ave ance la mesma forma como la verbo, ma lo debe es presededa par la o un otra determinante, o debe es plural. La nom sinifia o un aveni de la ata de la verbo o sua resulta direta:
Con un verbo como ajunta, la difere entre un ajunta e un ajuntada es minimal. Ma la traduida es la testo orijinal de cual on jenera la tradui, e un crea es un ata cual produi la creada. Esta segue de la sinifias de la ojetos de la verbos mesma: -da refere sempre a la ojeto. Con crea, la ojeto es ance la resulta de la ata; ma con tradui, la ojeto e la resulta es du cosas diferente. Con un pico de verbos, per esemplo dansa, do la ojeto e la ata es la mesma cosa, on parla de un dansa, no un dansada.
Un infinitiva usada como la sujeto de un frase pote es fasil confusada con un comanda. On pote evita esta confusa par cambia la verbo a un nom verbal par ajunta la o otra determinante ante la verbo, o par usa la plural:
Un preposada introdui un sintagma de nom, e formi un sintagma de preposada. Tipal, un sintagma de preposada descrive un nom, pronom, ajetivo, o averbo presedente – o lo pote descrive un frase intera. La preposada indica como la sintagma de nom relata a la strutur cual conteni lo: lo mostra la rol cual lo ave en la descrive.
Elefen ave 22 preposadas:
A introdui un loca o tempo cual on regarda como un punto simple, o como un spasio o periodo jeneral, iniorante sua strutur interna:
On usa lo ance per introdui un punto de refere en un relata:
Lo espresa ance la move en dirije a un punto. Esta inclui moves metafor, como envias a resetores e cambias a states nova:
En fato, cualce preposada cual indica un loca pote indica ance un move a esta loca. Per esemplo, en en me pone mea libros en mea saco indica evidente un move a la loca en me saco. Si on desira es plu clar en esta casos, on pote pone a ante la preposada:
Un usa spesial de a es ante un otra preposada, per crea un averbo. Si la preposada refere a un loca, la combina sujesta un move en la dirije indicada. A ante e a pos es ance usada per refere a tempos plu temprana o plu tarda:
Un otra usa spesial de a es per ajunta un completinte a la ojeto de un frase. (En alga casos, otra preposadas pote opera en la mesma modo.)
La completinte pote es un infinitiva. On pote usa per en loca de "a", ma alora la sinifia es ce la sujeto de la verbo xef intende fa la ata de la infinitiva. A indica ce la sujeto intende ce la ojeto fa lo:
En spasio, ante indica un loca a la lado plu importante de un cosa spesifada. Cual lado es plu importante depende de la cosa e sua situa. Multe cosas ave un lado evidente fronte con cual los fasa la mundo; en otra casos, ante sinifia simple "a la lado plu prosima de". Sua antonim es pos:
En tempo, ante indica un punto cual presede un tempo spesifada:
Ante pote indica ance un move en dirije a la lado plu importante de un cosa (= a ante):
Ante cuando es un junta cual sinifia "ante la tempo cuando":
La antonim de ante es pos.
Asta indica un move cual fini a un loca o ojeta spesifada:
Esta gida a un sinifia tempal, en cual asta indica la tempo a cual un ata fini:
Ca indica un punto de refere per un compara de nonegalia:
Como indica la punto de refere per un compara de egalia:
Con introdui un person, cosa, o state cual acompania. La antonim es sin:
Con pote ance sinifia "par la usa de", ante un cosa cual on usa como un util:
Cuando un ata aveni par la usa de alga cosa plu astrata o min simil a un util, on prefere par.
An con introdui un cosa cual fali impedi un ata, contra la espeta:
Contra introdui un cosa cual fasa o move en la dirije oposante, en realia o en un modo metafor:
De presenta un cosa o loca como un orijina:
Par un estende metafor, de introdui un posesor – un person o cosa a cual alga cosa parteni:
Plu astrata, de indica frecuente un relata jeneral entre du cosas, o entre un cualia o ata e un cosa:
Nomes composada en alga otra linguas es comun espresada par du nomes juntada par de en elefen:
De es la parte du en alga espresas fisada cual opera como preposadas complicada:
On pote pone de ante un otra preposada per indica un move cual parti de un loca:
Como a, de pote cambia un preposada a un averbo. La averbo sinifia "de la loca o tempo en la dirije indicada a via de la cosa sujestada par la situa":
De cuando es un junta cual sinifia "de la tempo cuando":
En indica un loca en spasio o tempo cual es intera o partal contenida par un otra cosa. Sua antonim es estra:
Metafor, la loca pote es un state, un ativia, o un modo:
En pote indica ance un move a la interna de un cosa (= a en):
En cuando sinifia "a un punto en la tempo cuando":
Entre sinifia ce un loca o tempo es ensircada par du o plu otras:
Estra indica un loca cual no es contenida par alga otra cosa. Sua antonim es en:
Estra pote indica ance un move a un tal loca (= a estra):
Como un metafor, estra pote sinifia "esetante", "con eseta de":
Longo indica la via cual alga cosa segue cuando lo move:
Par estende, lo pote ance sinifia "seguente la opina de" cuando on refere a lo cual algun ia dise o scrive:
Par indica la ator de un verbo pasiva, o la faor de un obra:
Par estende, lo indica ance un ata o metodo per fa un cosa:
Cuando on converti un verbo transitiva a un nom, e la sujeto e ojeto de la verbo es de spesie simil (per esemplo, ambos es persones), on usa par per indica la sujeto e de o a per indica la ojeto:
Per introdui un gol o resetor intendeda:
Par estende, lo indica ance un cosa cual on intercambia per un otra:
Lo pote indica un periodo de tempo intendeda:
Como un caso spesial, per pote introdui un cosa cual on favore, o cual on representa en parla:
En spasio, pos indica un loca a la lado min importante de un ojeto spesifada. Sua antonim es ante:
En tempo, pos indica un punto cual segue un tempo spesifada:
Pos pote indica ance un move a un punto a la lado min importante (= a pos):
Pos cuando es un junta cual sinifia "pos la tempo cuando":
Sin indica un cosa cual es asente:
Sirca introdui un cosa cual es ensircada o encluida par alga otra cosa:
Lo pote indica ance un move longo un via ensircante:
En espresas de tempo o cuantia, sirca indica ce la valua no es esata, e ce la valua vera es a alga punto en la estende ensircante:
Su indica un loca cual es plu basa ca un otra, fisical o metafor:
Par estende, su pote indica ance cualce loca cual es fisical covreda par alga cosa, o vera plu basa o no:
Su pote indica ance un move a un tal loca (= a su):
Supra indica un loca cual es plu alta ca un otra, fisical o metafor:
Supra implica un spasio entre la du cosas. Si no spasio esiste, on usa sur en loca.
Par estende, supra pote indica ance cualce cosa cual covre fisical alga otra cosa, o vera plu alta o no:
Supra pote indica ance un move a un loca plu alta (= a supra):
Sur indica un loca a la surfas de un cosa, o tenida ala par gravita, o fisada a lo par un otra modo:
Sur pote indica ance un move a un tal loca (= a sur):
Como un metafor, sur sinifia "consernante", "a la tema de":
Tra indica un loca en cual un move aveni, pasante de un lado a la otra:
Ultra indica un loca a la otra lado de alga cosa:
Lo pote indica ance un move a un tal loca (= a ultra):
Un junta es un parola cual lia du cosas la un a la otra. On ave du spesies: conjuntas e sujuntas.
Un conjunta lia du composantes de la mesma spesie, per produi un composante plu grande de acel spesie. Per esemplo, du sintagmas nomin juntada par e produi un sintagma nomin plu grande.
Elefen ave cuatro conjuntas:
Esemplos:
Con listas de plu ca du cosas, un virgula sustitui per la conjunta, ma no entre la du cosas final. Frecuente en tal listas, on inclui ance un virgula ante la conjunta:
Per asentua, on pote dupli e, o, e no, e pone ance un de los ante la composante prima. Un o duple elimina la posablia ce ambos composantes es pertinente:
Esemplos:
E, o, e ma pote ance lia du proposas o frases:
La averbos donce e alora es ance usada en esta modo, como cortis de e donce e e alora:
Un sujunta lia un suproposa a la proposa major, per indica la rol de acel suproposa en la frase.
On ave tre spesies: la pronomes-sujuntas, la averbos-sujuntas, e la sujuntas spesial.
La pronomes de demanda cual e ci pote funsiona ance como sujuntas per introdui suproposas ajetivin:
Los refere normal a un nom presedente. A veses, on omete acel nom. Alora, on pote ajunta un pronom per clari la intende:
La usa de cual e ci en demandas reportada es multe simil.
La averbos de demanda – do, cuando, cuanto, como, e perce – pote funsiona como sujuntas per introdui suproposas averbin:
On pote usa los ance pos un nom, como sujuntas cual introdui suproposas ajetivin:
E on usa los ance en demandas reportada (un spesie de suproposa nomin).
La sujuntas spesial ce e esce introdui suproposas nomin. Ce introdui un informa reportada, e esce introdui un demanda reportada sur la veria de un informa:
On pote usa los pos alga nomes, ajetivos, e preposadas per completi la sinifia:
On pote ance usa ce per introdui alga suproposas cual espresa un resulta:
La sujuntas spesial afin, car, si, e ca introdui suproposas averbin:
On ave tre spesies de demanda: los a cual on pote responde simple con "si" o "no"; los cual presenta un lista de elejes posible; e los cual xerca un informa spesifada.
Plu, demandas pote es direta ("Do nos vade?") o reportada ("Me ia demanda a tu do nos vade", "Me no sabe ci me es"). Demandas direta fini con un sinia de demanda (?).
On pote cambia un frase a un demanda de "si" o "no" par ajunta esce a la comensa de la frase:
On ave ance du otra metodos. En parla, en demandas cual proposa un posible e xerca mera un confirma de lo, on pote ajunta si? o no? a la fini de la frase. E en demandas multe simple, on pote fa no plu ca alti la melodia de sua vose a la fini de la frase:
On responde a un tal demanda con la parola si o no. Si dise ce la posible espresada en la demanda es vera; no dise ce lo es falsa:
Si la demanda ave un forma negativa, si e no indica la mesma sinifias como si la demanda no ta es negativa. Ma esta pote es confusante. Donce, on pote responde plu clar con un frase completa:
Estas demanda mera ce la escutor eleje un de alga posibles, comun espresada como un lista liada par la junta o:
Otra demandas usa determinantes, pronomes, o averbos de demanda, per esemplo cual, ci, cuando, cuanto, como, do, e perce. La plu comun, la parola de demanda es moveda a la comensa de la frase, ma lo pote ance resta a la loca do sua responde ta apare:
Demandas reportada (ance nomida "demandas nondireta") es espresada como suproposas nomin, cual conteni normal la mesma serie de parolas como la demanda direta ta ave, incluinte la mesma tempo de la verbo. En demandas reportada, la parola de demanda sta sempre a la comensa de la suproposa:
Demandas de "si" o "no" reportada usa sempre esce:
En alga casos, la difere entre un demanda reportada e un suproposa ajetivin es multe sutil:
En esemplo (a), me ia descovre la identia de la cosa en la caxa, an si me no ia vide o toca lo direta. En esemplo (b), me ia descovre lo, la cosa fisical.
Como un frase, un proposa conteni un sujeto e un verbo, ma lo es un parte de un frase completa.
Cada frase conteni un proposa major. On pote altera esta en modos variosa con un o plu suproposas (proposas suordinada) . Si un suproposa altera un sintagma nomin, lo es nomida un suproposa ajetivin. Si lo altera un verbo o la proposa major completa, lo es nomida un suproposa averbin. E si lo ave la rol de un nom, lo es nomida un suproposa nomin.
Plu, un frase pote conteni plu ca un proposa major.
Un suproposa ajetivin es un suproposa cual altera un nom. Suproposas ajetivin segue la nomes cual los altera, e los comensa normal con un de la pronomes de demanda, ci e cual, usada como un sujunta (un "pronom-sujunta"):
Per claria, un suproposa ajetivin pote es separada de la resta de la frase par virgulas, spesial si lo es longa o complicada:
Alga proposas ajetivin no es esensal per la sinifia de la frase, ma ajunta mera un comenta en pasante. Tal suproposas es sempre separada par virgulas:
Ci e cual pote opera como o la sujeto o la ojeto de la suproposa ajetivin. Ojetos segue normal la verbo, ma cuando un de esta pronomes es la ojeto, lo presede e la sujeto e la verbo de la suproposa ajetivin:
Cuando un pronom-sujunta es la ojeto de un preposada, la preposada vade prima:
Cuando de ci o de cual introdui un nom poseseda en la suproposa ajetivin, esta nom es normal introduida par sua per claria:
En alga linguas, un suproposa ajetivin pote refere a la intera de la proposa presedente. En elefen, si acel ta es ambigua, on pote dise e lo, e esta, o e acel (o un espresa simil) en loca:
Un otra modo per comensa un suproposa ajetivin es con un averbo de demanda, usada como un sujunta (un "averbo-sujunta"):
Tal suproposas ajetivin es frecuente simil a suproposas averbin:
Un suproposa averbin altera o la verbo de la proposa major o la proposa major mesma. Un suproposa averbin es introduida par un de la averbos-sujuntas (como, cuando, cuanto, do) o un de la sujuntas spesial si, car, afin, e ca:
Suproposas averbin cual es introduida par la averbo-sujuntas (como, cuando, cuanto, do) pote es regardada como suproposas ajetivin. Per esemplo, on pote espresa la tre esemplos final a supra en la modo seguente:
Un suproposa nomin ave la rol de un nom: lo pote es la sujeto o la ojeto de un verbo o preposada. Suproposas nomin pote es introduida par la sujuntas spesial ce o esce, par un de la pronomes-sujuntas ci e cual, par un de la determinantes de demanda cual e cuanto, o par un de la averbos-sujuntas.
Per proba esce un suproposa es vera un suproposa nomin, sustitui "el", "lo", o "los" per la suproposa. Si la resulta es un bon frase, la suproposa es un suproposa nomin. Suproposas nomin es comun ojetos de verbos de pensa, sensa, o emosia:
Multe suproposas nomin es introduida par la sujuntas spesial ce o esce:
Suproposas nomin es comun usada per sita dises e per reporta pensas o demandas. En tota casos, la tempo de la verbo en la suproposa nomin resta la mesma como en la dise, pensa, o demanda orijinal:
Suproposas ajetivin o averbin es comun confusable con suproposas nomin. Per clari ce on intende un suproposa ajetivin o averbin, ajunta un nom o pronom ante cual o ci:
Du proposas major pote es liada par conjuntas per deveni sola un frase. On inclui frecuente un virgula ante la conjunta:
Tal proposas pote sta como frases autonom, con o sin conjuntas:
La numeros fundal es:
On scrive cada numero asta 999 como sola un parola cual pote conteni asta tre composantes, liada par ifenes. Cada composante representa un dijito, e es fada de un numero cardinal entre un e nove, con des o sento ajuntada a la fini si la dijito representa un multiple de 10 o 100. Per un multiple solitar de 10 o 100, on dise simple des e sento, sin usa un. On omete completa la composantes per multiples asente (como la "0" en "209").
On scrive mil e milion sempre como parolas individua cual separa cada grupo de tre dijitos:
Cuando on scrive numeros en dijitos en elefen, on pone un spasio entre cada grupo de tre dijitos, como mostrada a supra. On scrive la sinia desimal como o un punto o un virgula, seguente sua prefere, e simil on pronunsia lo como o punto o virgula. Dijitos pos la sinia desimal es simple listada:
On espresa numeros negativa con min:
La parola "bilion" pote sinifia o 1 000 000 000 o 1 000 000 000 000, dependente de la cultur. "Trilion", "cuadrilion", etc ave problemes simil. Per evita confusa, elefen prefere espresa tal numeros a modo plen:
La parolas bilion, trilion, cuadrilion, etc esiste en elefen, ma un parlor ci usa los debe serti ce el clari la sinifia intendeda.
En scrives siensal, la eleje la plu clar es usa la prefisas internasional:
Cuando un numero presede un nom, lo es un numero cardinal, e lo indica un cuantia:
Ma cuando un numero segue un nom, lo es un numero ordinal, e lo indica un loca en un segue:
Prima es un alternativa comun per un ordinal, ma on no pote usa lo per ordinales plu alta cual fini acaso con la dijito "1":
On pote usa numero como un nom vacua per suporta un numero ordinal:
Un usa de la sufisa -i es per formi parolas per numeros fratal:
Fratos segue la regulas per nomes comun:
On ave ance alga otra metodos per indica fratos:
Per scrive siensal, prefisas internasional es disponable:
La sufisa -uple formi parolas per multiples numeral:
sintagmas con ves o veses espresa la frecuentia de avenis:
Ves no espresa la multipli aritmetical.
On espresa ajuntas con plu o e:
On espresa sutraes con min:
On espresa multiplis con multiplida par, comun simplida a sola par:
On espresa divides con divideda entre, comun simplida a sola entre:
On espresa potias con a potia e un numero ordinal. Cuadrida e cubida es alternativas per a potia du e a potia tre:
On espresa radises con a radis e un numero ordinal:
On pote espresa mesuras fisical en modos variosa:
Un prinsipe fundal es ce on ave altia ma es alta.
40 metres alta sinifia leteral ce la metres mesma es alta, ma par estende natural lo oteni la sinifia "con 40 metres de altia".
La mesma posibles es usada con otra mesuras, como:
En elefen, on pote formi parolas nova par ajunta prefisas o sufisas a parolas esistente, o par combina du parolas esisente como un nom composada.
On pote ance reusa direta un ajetivo como un nom, e un verbo como un nom, sin ajunta un afisa.
Un cuantia peti de ajetivos de color (per esemplo ambar e orania) es direta derivada de nomes de cosas, sin afisa.
Anti- formi ajetivos e nomes per cosas oposante o oposada:
Auto- formi nomes, verbos, e ajetivos cual indica atas automatida o fada par algun a se mesma:
Des- formi verbos cual sinifia la reversa de un ata. Lo simpli a de- ante S, Z, X, o J:
Inter- formi nomes, verbos, e ajetivos cual indica atas o states mutua:
Media- formi nomes cual indica la punto media de un cosa:
Non- formi ajetivos e nomes cual indica la reversa o manca de un cualia. Lo simpli a no- ante N:
Pos- formi nomes, verbos, e ajetivos cual refere a un tempo (o loca) cual es situada pos un otra:
Pre- formi nomes, verbos, e ajetivos cual refere a un tempo (o loca) cual es situada ante un otra:
Re- formi verbos cual indica un ata repeteda, o un ata en un dirije reversada:
Su- formi nomes, verbos, e ajetivos cual indica un punto min alta en un ierarcia:
Supra- formi nomes, verbos, e ajetivos cual indica un punto plu alta en un ierarcia:
Vis- formi nomes cual indica ofisiores suordinada:
Bon- e mal- formi varias bon e mal (o erante) de ajetivos e verbos, a veses en un modo metafor:
On usa numeros e fratos como prefisas con alga parolas. Con membros de la familia, numeros indica jeneras sempre plu distante:
Multe sufisas comensa con un vocal. Cuando on ajunta un tal sufisa a un parola cual fini ja con un vocal, on sutrae la vocal esistente, estra cuando lo ia es la vocal solitar en la parola orijinal:
Do un sufisa ta crea un mal segue de vocales, on sutrae la vocal du de la segue:
Esta regulas ave du esetas:
Esata como otra verbos, on pote usa la verbos produida par esta sufisa en modos transitiva e nontransitiva, o como nomes.
On ajunta -i a nomes e ajetivos per formi verbos cual sinifia "(fa) deveni ...", "(fa) cambia a ...". Como un caso spesial, esta inclui ance verbos cual sinifia "emete un sustantia o un parte nova":
-i crea ance verbos cual sinifia "usa ..." (comun en la modo de un util o aparato), o "aplica ..." (un sustantia o costum):
Esata como otra ajetivos, on pote reusa la ajetivos produida par esta sufisas como nomes cual indica persones o cosas cual ave la cualia spesifada.
On ajunta -in a un nom per crea un ajetivo cual sinifia "simil a ...":
On ajunta -osa a un nom per formi un ajetivo cual sinifia "plen de ..." o "fada de ...":
On ajunta -al a un nom per crea un ajetivo jeneral cual sinifia "pertinente a ..." o "relatada a ..."
On ajunta -iste a un nom cual indica un crede, como un relijio o un filosofia, per formi un ajetivo jeneral. Si la nom fini con -isme, -iste prende sua loca. En alga parolas do la radis es un nom propre, on reteni la vocal final de la nom, si esta produi un parola plu internasional:
On ajunta -an a alga nomes cual indica estendes de spasio o tempo (locas e edas), per formi ajetivos jeneral:
-an es ance un de la sinco sufisas normal per formi ajetivos cual indica linguas e poplas. La otra cuatro es -es, -ica, -i, e -sce. Per esta ajetivos, elefen usa parolas cual sona tan simil como posible a la nomes nativa: en resulta, alga nomes aseta un sufisa propre e spesial, o simple no sufisa, e on cambia ance la radis en alga casos:
On ajunta -ica a un nom cual indica un problem medical, psicolojial, o simil, per formi un ajetivo per descrive un person ci esperia la problem:
On ajunta -nte a un verbo per crea la partisipio ativa, un ajetivo cual sinifia "tal ce lo fa (la ata spesifada)". La partisipio ativa de la verbo es es esente:
On no usa nomes cual fini con -nte como nomes de atas:
On ajunta -da a un verbo per formi la partisipio pasiva, un ajetivo cual sinifia "tal ce on (ia) fa ... a lo":
On no usa -da per indica la tempo pasada de verbos:
On ajunta -able a un verbo per crea un ajetivo cual sinifia "tal ce lo pote es ...da" o "tal ce lo merita es ...da":
Cuando on ajunta -or a un verbo, lo formi un nom cual sinifia un person ci fa la ata spesifada, en multe casos en un modo frecuente o abitual. Cuando on ajunta lo a un nom, lo formi un nom cual sinifia un person ci labora con la cosa spesifada, o jua la sporte spesifada:
-ador crea nomes cual sinifia un util o macina cual fa la ata spesifada, o labora con la cosa spesifada:
On ajunta -eria a un nom o verbo per crea un nom cual sinifia un loca, comun un boteca, asosiada con la ata o cosa spesifada:
-ia formi nomes consetal cual servi como la nomes de cualias. Cuando on ajunta -ia a un parola cual fini con -ia, la parola no cambia:
Parolas como enfantia e sultania pote indica tempos o locas en cual un cualia pertine.
La nomes de multe campos de studia fini ance en ia (o ica) ma esta es un parte de la radis, e no un sufisa. On formi la nomes de la praticores corespondente con -iste. On usa -iste ance per formi la nomes de credores en un relijio o filosofia (como derivada de la sufisa ajetival -iste), la nomes de musicistes, e la nomes de alga otra persones cual fini internasional con "-ist-":
-isme formi la nomes de sistemes de crede. On sustitui lo per -iste en la nom de la credor. Lo apare ance en alga otra parolas cual fini internasional con "-ism-":
La sufisas seguente es usada sola con parolas spesifada, como definida en la disionario.
On ajunta -eta a alga nomes per crea un nom per un varia de un cosa cual es reduida en un modo spesial. Esta inclui la nomes de animales joven e vestes interna. Simil, on pote ajunta -eta a alga verbos e ajetivos per formi parolas per varias reduida de atas o cualias:
On ajunta -on a alga nomes per crea un nom per un varia de un cosa cual es aumentada en un modo spesial. Esta inclui la nomes de vestes esterna:
-eta e -on no es sinonimes de peti e grande: on pote ave fasil un careta grande o un salon peti. En loca, los formi parolas con sinifias nova cual es spesifada, e cual on pote descrive laxe como varias plu peti o grande de la orijinal.
On ajunta -o e -a a alga nomes cual indica membros de la familia, per cambia la sinifia entre mas e fema (en acel ordina):
On formi la nomes de alga arbores par cambia la -a final de la nom de la fruta o noza a -o:
On ajunta -esa a alga nomes cual indica roles sosial de istoria per nomi la fema corespondente:
Termas siensal e medical internasional es formida de fontes latina e elinica par ajunta multe prefisas e sufisas tecnical. On usa esta afisas ance en elefen, e los segue la regulas de transcrive de elefen.
On pote formi un nom composada par combina un verbo con sua ojeto, en acel ordina. La resulta sinifia un person o cosa cual fa la ata spesifada a la ojeto spesifada:
Cuando la ojeto comensa con un vocal, on reteni lo, estra cuando lo es la mesma como la vocal final de la verbo, como en portavion.
Elefen no permete nomes composada de du nomes. En loca, on debe usa un preposada entre la du nomes. Per esemplo:
A veses noncomun, un tal espresa ave un sinifia spesial e nonleteral, e on debe regarda lo como un parola fisada. Per esemplo, un leon-de-mar no es un leon. En tal casos, la parolas es juntada par ifenes, e ajetivos debe segue la nom du. On pote usa ifenes ance per composadas plu leteral, si esta aida la claria:
On usa alga cortis en elefen. On no scrive los con puntos.
On corti alga parolas o sintagmas comun. Estas no reseta un letera major, estra a la comensa de un frase:
Elefen reteni de otra linguas ance alga cortis cual on reconose internasional, incluinte la cortis normal per la unias metral:
La formas cortida de nomes propre e titulos usa leteras major. Ma on no inclui en la corti la parolas minor como la e de – a cual on no dona un letera major en la forma plen de la nom. On introdui frecuente tal nomes con la, an cuando cortida:
Internasional, alga nomes propre es la plu bon conoseda como cortis nontraduida, e on reteni estas en elefen:
Jeneral, elefen lasa la scrivores eleje sua puntua – la normas solitar es ce on ta es clar e coerente. An tal, alga abituas fundal esiste, e estas es la mesma como en la plu linguas european.
La parola prima en un frase comensa con un letera major.
Un frase comun fini con un punto ( . ).
Si un frase es un demanda direta, lo fini con un sinia de demanda ( ? ).
On pote pone un sinia de esclama ( ! ) a la fini de un frase cual ta ave un intensia emosial en parla.
Un virgula ( , ) indica un pausa natural en un frase, o a veses on inclui lo sola per separa clar un parte de un frase (como un proposa) de un otra. On usa virgulas ance per separa la cosas en un lista.
Cuando on scrive un cuantia en dijitos, on pote usa o un virgula o un punto per indica la comensa de la parte fratal. On pote usa un spasio per separa grupos de tre dijitos.
La dupunto ( : ) introdui un presenta plu detaliosa de la cosa cual presede lo. Pos un dupunto, usa un letera major si la seguente es un frase completa, ma no si lo es sola un lista o un parte de un frase.
On pote usa la punto-virgula ( ; ) en loca de un punto entre du frases cual refleta o ecuilibra prosima la un la otra. Un punto-virgula pote separa ance la cosas en un lista, si estas es longa o conteni sua propre virgulas.
No scrive un spasio ante un sinia de puntua major. Ma scrive un spasio a pos, estra a la fini de un paragraf.
Un sinia de sita apare a la comensa e fini de parolas cual on presenta como un sita direta. Ave formas variosa de sinia de sita en la mundo, incluinte ' " ‹...› «...».
En elefen, on usa normal la forma ", cual es clar, fasil tapable, e internasional. Cuando un sita apare en un otra sita, on pone ' sirca la sita interna – ave un esemplo a su. En bon tipografia, como en libros, la formas curva “” e ‘’ es usada, ma estas no es nesesada en comunicas comun. No pone spasios entre la sinias de sita e la testo sitada.
En alga linguas, on scrive un sinia de junta longa ( — ) en media de un dialogo cuando un person nova comensa parla, en loca de sinias de sita. Nos recomenda evita esta en elefen, car lo es min clar, e pote es confusada con otra usas de sinias de junta.
Cuando on sita la parolas de un carater en un nara, on acompania comun la sita con un indica de la parlor e sua manera. Per tal frases en elefen, on prefere pone un sinia de junta entre esta indica e cada parte de la sita. En esta modo, on reteni fasil la puntua esata de la frase orijinal:
Cuando on scrive sur linguas e sita un parola o espresa per refere a lo, on usa sola sinias de sita:
La trepunto ( … ) sujesta un pausa, o indica ce on ia omete alga parolas.
Sinias de junta longa ( – o — ) e brasetas ( (...) ) ensirca comentas cual on introdui en la flue normal de un frase.
La sinia de elidi ( ' ) indica ce on ia omete un vocal. Normal, esta aveni sola en poesias e cantas.
En elefen, on scrive sinias de mone (€, ¥, £, $, etc) ante o pos la dijitos de un preso, dependente de la costum de la pais consernada.
Ancora otra sinias de puntua esiste, ma sua usas relata apena a la regulas de elefen.