(Traduida de https://glossary.sil.org/term/noun)

Un nom es un membro de un clase sintatical...

• cual inclui parolas cual refere a persones, locas, cosas, ideas, o consetas
• de cual sua membros pote ata como cualce de la seguentes: sujetos de la verbo, ojetos de la verbo, ojeto nondireta de la verbo, o la ojeto de un preposada (o posposada), e
• de cual la plu de sua membros ave un seso gramatical inerente determinada (en linguas cual infleta per seso).

Nomes es un de la consetas plu stable tra tempo en un lingua. Ma, como verbos, esta stablia tra tempo aplica sola a la nomes prototipal. Nomes cual no es prototipal es identifiada par se similes distribual a nomes prototipal. Esemplos:

• petra
• arbor
• can
• person

Esta nomes es prototipal car on persepi los como cosas concreta, fisical, compatida, cual no cambia sinifiante tra tempo.

La nomes seguente es min prototipal car los representa consetas o cosas cual no es persepida como restante la mesma tra un periodo longa de tempo, o cual no es concreta:

• punio
• belia

Ave tipos varios de nomes:

• nom astrata
• nom alienable
• nom coletiva
• nom concreta
• nom contable
• nom nonalienable
• nom noncontable
• nom verbal

Nomes en multe linguas ave afisas o otra cambias per indica se roles en la frase. Esta roles es nomida casos.