10 fibberwarie - Nao e laank belag pakke de Mongole Bagdad. Ze maorde de stad oet en brenne ze plat. Dit beteikent 't ind vaan 't Abbasidekalifaot en aon ein vaan de groetste wereldstei.
11 mei - In 't Verdraag vaan Corbeil deit Lowie IX vaan Fraankriek aofstand vaan zien aonspraok op Catalonië, dewijl Jacobus I vaan Aragon zien aonspraoke op Zuid-Frans gebeed opgief.
25 juni - De Venetiaone versloon de Genueze op zie bij Acre.
10 augustus - Nao geröchte euver d'n doed vaan keuning Konradijn liet Manfred ziech tot keuning vaan Sicilië oetrope. Later bliek Konradijn nog te leve.
25 augustus - Giorgos Mouzalon, rezjent in 't Keizerriek vaan Nicaea, weurt vermaord door 'n samezwering oonder de touwkumstege keizer Michael Palaiologos.
De Mongole doen ouch 'n invasie vaan Vietnam, die evels mislök.
Llywelyn ap Gruffudd verklaort ziech tot prins vaan Wales. Heer weurt de lèsten inheimsen edelmaan dee deen titel dreug, ietot de IngelseWales gans inlieve.
Gissur Þorvaldsson weurt door Haakon IV vaan Noorwege tot jarl (graof) vaan Iesland beneump.