24 fibberwarie - Mit de Ingelse sluutj Filips de Sjoeanen 't Magnus Intercursus, 'n hanjelsverdraag det Ingelandj toesteit vrie aan lakenhanjel te doon in de Nederlandj (mit oetzunjering van Vlaandere).
5 mieërt - De Genuees Giovanni Caboto, of John Cabot wie d'r geneump wuuert innen Ingelskallendj werreld, begintj 'n óntdèkkingsreis. Ieës haw d'r det geperbeerd bie 't Spaans en 't Portugees hof, meh die zoge dao nieks in. In Ingelandj wètj t'r de keuning Hinrik VII zowied te kriege det t'r toestumming guuef. Cabot vertrèk mit achtieën bemanningsleje. Oetèntjelik wètj t'r 't doel, Japan of Sjina, neet te bereike, al mèntj t'r det waal te höbbe gedaon.
4 augustus - De Spaanse goevernäör van Hispaniola stich de houfstad Santo Domingo, verneump nao d'n hèlge Dominicus de Guzman mit ziene fieësdaag 4 augustus.
8 september - In de bej van Rammekens geit de Spaanse prinses Johanna van Castilië aan landj, óngerwaeges nao ziene Boergondische broedegóm.
20 oktoeaber - d'n Trouw van Filips de Sjoeanen en Johanna in Lier.
21 november - In Leipzig trouwtj Joris mit de baard mit Barbara, dochter van keuning Casimir IV van Pole.
dieëtsember - Nao Spaanje vaerdig ouch Portugal 'n verdrievingsedik oet. Juudde mótte vertrèkken of zich bekieëre toet 't christendóm. Dit edik waas 'n veurwaerd veure trouw van koning Emanuel I en de Spaanse prinses Isabella van Portugal.
sónger datum
Veur zienen aafvaart nao Spaanje beneump Filips Ingelbrech II van Breda, graof van Nassau, toet stadhajer vanne Nederlenj.
De Filippusgölje van Filips de Sjoeane kump in ómloup inne Nederlenj.
In Leipzig: De Germania van Enea Silvio Piccolomini worin d'r oet Romeinse brón sjrief euver de aaj Germane. Veural 't relaas van 't verluus van Varus in 't Teutoburgerwaad (9) maak in Duutsje lenjer groeaten indrök.
