Gebäörtenisse
- 14 jannewarie - Nederlandj, Brittanië en Frankriek teikene de Triple Alliance.
- 2 mieërt - Danser John Weaver veurt es eësjte ein ballet oet in Drury Lane in Groat-Brittanië. ’t Sjtök hèt The Loves of Mars and Venus.
- 15 augustus - Verdraag van Amsterdam: 't Prusjes, Ruslandj en Frankriek lègke hun landjsbezittinge vas.
- 14 september - In Den Haag eindigt de Groate Vergadering zónger dat me tot ein versjterking van de Unie is gekómme.
- 29 september - 'n Aerdbeving van 7.4 magnitude truf Antigua Guatemala. De sjtad wirt groatesdeils verinneweert. De autoriteite van de sjtad euverwaege óm de sjtad op ein anger plaatsj te verhoeze.
- 24 december - Biej eine zjwaore noordwestersjtórm óntsjteit 's aoves euversjtruiminge in ónger angere Noord-Nederlandj. Heël Noord-Groninge löp ónger en zelfs in de sjtad Groninge sjteit tieëntalle centimaeters water. In Delfzijl bruk 't westeljk deil van de wal door en loupe hoeze, 't fort en de kirk ónger water. D'r zint tieëntalle sjlachoffersj. Ouch doezende keuj, paerd, verkes en sjäöp verdrènke. Dit wirt ouch waal de Kersvloed geneump.
Zónger datum:
- Voltaire wirt veur ein jaor gevange gezat in de Bastille vanwaege zien satirische gesjrifte.
- Sjpanje vereinigt zien Zuud-Amerikaanse kolonies ónger de naam Nuuj-Grenada.
- In Uruguay wirt de sjtad Montevideo gesjtich door de Portugeze.
- In Groat-Brittannië wirt ónger leijing van Isaac Newton de lètste handj gelag aan ein hervorming van 't muntsjtèlsel; de facto wirt de gouwe sjtandaard ingeveurd doordat d'r ein verbandj vasgesjtèld wirt tösje de gouwe munt en de zilvere shilling.
- In 't Roemeense Dej wirt de zawtwinning beëindigd.
- De kolonie Groß-Friedrichsburg aan de Goudkus ('t hujiige Ghana) wirt door Frederik Willem I van ' t Pruusjes aan Nederlandj verkoch.
- De zusters Clarisse mótte Boxtel verlaote en gaon nao Hoogstraten.
