17 jannewarie - De Repebliek van de Rio Grande verklaort zich ónaafhankelik van Mexico.
jannewarie - De Nederlandse regering deent ein óntwerp in biej de Tweëde Kamer veur ein gróndjwètswieziging. De ministers zulle veurtaan sjtraofrechtelik verantjwoordelik zin veur hun hanjelinge. Wètte en besjlute motte vanaaf noe ein contraseign van de verantjwoordelike minister. Hollandj wirt gesjplits in de provincies Noord-Hollandj en Zuid-Hollandj.
6 fibberwarie - 't Verdraag van Waitangi wirt óngerteikend, wodoor de sjtaot Nuuj-Zeëlandj ein feit wirt.
2 april - De Repebliek Los Altos wirt geannexeerd door Guatemala.
6 mei - De eësjte postzegels waere gebruuk in Èngelandj, de Penny Black en de Twopenny Blue.
15 juli - Ruslandj, 't Verenigd Keuninkriek, Pruse en Oasteriek verplichte zich óm 't Osmaanse Riek te sjteune biej 't óngerdrökke van de opsjtand in Egypte.
7 oktober - Keuning Willem I van de Nederlande deit aafsjtand van de troan en verleët 't landj. Hae wirt opgevolg door ziene zoon Willem II.
De Britannia, ein sjeep van de Cunard Line, zèt koers op New York veur zien Maiden Voyage.
Henle sjtèlt dat ziektes veroarzaak kènne waere door laevende ziekteverwèkkersj.
De Sjotse sjmeed Kirkpatrick Macmillan óntwurp de eësjte trapfits (eine driewieler).
Ozon wirt óntdèk door Christian Friedrich Schonbein.
Justus von Liebig publiceert 't book "Organische chemie en de toepassing in de landjboew en fysiologie", wo-in hae betoogt dat d'r fosfor en sjtiksjtof aan de landjboewgróndj mótte waere trukgegaeve.