9 jannewarie - De groate metaalsjtaking in Nederlandj eindig in ein nederlaog. De sjtaking waas door de samenwirkende bunj op 31 oktober 1921 oetgerope óm de door de wirkgaevesj aangekondigde loansverleëging van 15 procent te verhinjere.
6 fibberwarie - Biej 't Vlootverdraag van Washington lègke de USA, 't Verenigd Keuninkriek, Japan, Frankriek en Italië zich beperkinge op in de groatte van hun sjlaagsjepe op de Sjtille Oceaan.
14 fibberwarie - De Finse minister van Bènnelandjse Zake Heikki Ritavuori wirt vermaord.
1 april - De 48-jaorige Anton Philips krit de leijing van de, in 1891 door zien vader Frederik en dem ziene awwere broor Gerard gesjtichde, gleujlampefebriek Philips & Co in Eindhove.
3 april - Jozef Stalin wirt Secretaris-generaal van de Communistische Partiej van de Sovjet-Unie, en daomit nao Lenin de machtigste man in de partiej en 't landj.
14 april - Mèt ein oetveuring van Bachs Matthäus Passion in de Groate Kirk in Naarde haet de in 1921 opgerichde Bachvereeniging zich veur de eësjte keër in 't aopebaar gepresenteerd.
15 april - Frederick Banting en Charles Best óntdèkke 't hormoon insuline es genaesmiddel taenge sókkerziekde.
31 mei - Aafsjloeting van 't driedaags Internationaal Congres van Progressieve Kunstenaers in Düsseldorf.
22 juni - 't Permanent Hof van Arbitrage hilt de eësjte zitting in Den Haag.
24 juni - De Duutsje minister van Boetelandjse Zake Walther Rathenau wirt vermaord. Ein anti-campagne waas al in gank gezat, direk nao zien aantraeje es minister van Reconsjtructie.
26 juni - In 't dwergsjtäötje Monaco volg kroanprins Louis es prins Louis II zien vader Albert op. Ónger Franse drök haet deze ongetrouwde prins veur eine troanopvolger gezörg door Charlotte Louvet es dochter te adoptere.
Oprichting Taman Siswa, ein antikoloniale óngerwiesbewaeging in Nederlands-Indië, door Ki Hadjar Dewantara.
9 juli - Johnny Weismuller duuk es eësjte miensj ónger de menuut op de 100 maeter vrieje sjlaag; in Alameda brink de latere filmsjter (Tarzan) 't waereldrecord op 58,6.
14 juli - De Franse president Alexandre Millerand óntsjnap aan eine aansjlaag op zien laeve door de anarchist Gustave Bouvet.
2 augustus - Ein Japans cruisesjeep, de Niitakat, zunk biej eine sjtörm veur de kus van Kamtsjatka. 300 opvarende kómme daarbiej óm.
4 november - De eësjte compleet intacte graafkamer van eine Egyptische farao wirt óntdèk in de Vallei van de Keuninge door de Brit Howard Carter. 't Is vermoedelik dat van Toetanchamon. Op 26 november kump aan de ónzekerheid ein eindj went de naam Toetanchamon zichbaar wirt en de keuninklike graafkamer wo-in zien sarcofaag geäöpend wirt.
11 november - Plechtige herbegrafenis in Brussel van eine naamloaze Belsj in wat geit heite 't Graaf van de Ónbekènde Soldaot.
14 december - De eësjte gekaoze president van Pole, Gabriel Narutowicz, wirt, mèr ein paar oer naodat hae in functie waas, vermaord door eine nationalistische fanaticus.
De cartoon Felix de Kat wirt bedach door Pat Sullivan dan waal ziene wirknummer Otto Messmer.
De lètste göjje van 't type Wilhelmina kump in Nederlandj in ómloup. Dit type blif pès 1945 in productie.
De Volksraod van Indië krit oetbreijing van bevoogheje, mèr de Indonesiërs keëre zich in toenummende maote van ein veur hun te traog en teleursjtèllend poletiek proces aaf.
De Kundersen oondernummer Leo Moulen liet de merknaom Noca Nola rezjistrere veur zien limmenaad. De merkerechtewètte vaan dat memint verbeeje dit woordspeul op Coca-Cola neet.
Nobelprieze
Natuurkunde: Niels Bohr "veur zien deenste in 't oonderzeuk nao de structuur vaan atome en de straoling die devaan oetgeit."
Sjemie: Francis William Aston "um zine oontdèkking, mèt zien massaspectograaf, vaan isotope vaan e groet aontal neet-radioactief eleminte, en um zien formulering vaan de gansenommerregel."
Archibald Vivian Hill "um zine oontdèkking umtrint de hitsproductie in spiere."
Otto Fritz Meyerhof "um zien oontdèkking vaan de vaste relatie tösse zuurstofverbuuk en de stofwisseling vaan mèlkzoer in spiere."
Literatuur: Jacinto Benavente "um de gelökkege meneer boe-op heer de rieke Spaonse buuntraditie heet wijergezat."
Vrei: Fridtjof Nansen "[um] zienen hölp aon de mieljoene in Rusland die kaampe tege hoongersnoed" en "zien werk veur de vlöchtelinge in Klein-Azië en Thracië."
Gebore
Yitzhak Rabin, gebaore op 1 meërt 1922.Emil Zátopek, gebaore 19 september 1922.
8 jannewarie - Jan Nieuwenhuys, Nederlandse kunssjilder (gesjtorve 1986)