Gebäörtenisse

jannewarie

1 - Almere en Lelystad weure allebei 'n apaarte gemeinte.
14 - De Deen Poul Hartling, lid van de Vlöchtelingecommissie van de Verenigde Naties, sjat 't aantal vlöchtelinge in de waereld op tieën tot 12 miljoen.
16 - 't Sjtakingsverbod veur ambtenaere en Spaorwaeg wirt oet de wet gesjrap. Dit verbod waas óngerdeil van de "worgwette" van Abraham Kuyper oet 1903.
21 – De London Gold Fixing noteert ziene hoagste goudpries oats (gecorrigeerd veur inflatie), op 850 USD per troy ounce.
22 - De Sovjet-Russische dissident en kernfysicus Andrej Sacharov wirt gearresteerd en nao Gorki verbanne; alle officieel óngersjeijinge en eërbetuginge die häöm eërder door de sjtaot ware toegekènd, waere häöm aafgenómme.
23 - In ziene jaorlikse toesjpraak State of the Union zaet de Amerikaanse president Carter dat de VS groate belange höbbe in 't gebeed van de Perzische Golf en dat 't landj in geval van noad de aolieveurzening van 't Weste mèt de waopes zal verdedige. Op 13 fibberwarie 1980 sjtuurt hae veer aorlogsbaojems en 1800 mariniers nao de Golf.
25 - De Israëlische sjtriedkrachte trèkke zich truk oet 't westelik deil van de Sinaï en gaeve dat sjiereiland weer truk aan Egypte. Daomit is voldaon aan de lètste veurwaarde veur normalisering van de betrèkkinge tösje Israël en Egypte. Op 26 fibberwarie 1980 waere ambassadeurs oetgewisseld.
31 - Keuningin Juliana kondigt aan dat ze op 30 april van dit jaor aafsjtand zal doon van de troan, ten gunste van häör dochter Beatrix die deze daag häöre 42ste verjaordaag viert.

fibberwarie

8 - Volges Amerikaanse weitesjappers is de awtste bekènde gemeinsjappelike veurvader van ape en miensje de Aegyptophitecus zeuxis, dae 30 miljoen jaor geleje zouw höbbe gelaef.
25 - De Olympische Wèntjersjpele in 't Amerikaanse Lake Placid waere gesjlaote. De meis succesvolle lènj zint de Sovjet-Unie en de DDR, mèt respectievelijk tieën en neuge gouwe medailles. Veur Nederlandj is d'r ein gouwe medaille veur Annie Borckink op de 1500 m. sjaatse, tweë maol zilver en eine keër brons. Öngertösje is 't ein oetgemaakde zaak dat de Verenigde Sjtate en väöl van hun bóndjgenote (aevel neet Belsj en Nederlandj) de Olympische Zomersjpele in Moskou zulle boycotte.
25 - Sjtaatsgreep in Suriname, gepleeg door ein groep leëg officiere ónger leiding van sergeant en sjportinsjtructeur Desi Bouterse: de Sergeantecoup. Ach luuj kómme óm 't laeve. Eine Nationale Militaire Raad wirt veurluipig 't belangriekste besjtuursorgaan.

maart

1 - In Amsterdam braeke groate relle oet es de politie krakers wilt weghaole oet ein pandj aan de Vondelsjtraot. De sjtraotgevechte hawwe ènnige daag aan.
3 - In opdrach van de börgemeister van de gemeinte Amsterdam wirt de Vondelsjtraot in de sjtad Amsterdam heroverd op de kraakbewaeging. Tanks van de landjmach rume de barricades op.
7 - De mèt 26.000 tón hoesbrandjaolie gelaje tanker 'Tanio' bruk in tweëje in Het Kanaal mèt es gevolg dat de kus van Bretagne euver ein lengde van 70 kilomaeter mèt aolie wirt vervoeld.
9 - In de Voersjtreek bótsje Vlaamse betoagers en Luuksgezinde; drie Vlaminge waere gewóndj door gewaerkogele. De ónrös hilt gerume tied aan. President Mobutu van Zaïre reageert op Beldje vraoge euver de menserechte in zien landj door ein internationale commissie van óngerzeuk te eise veur de Voersjtreek.
11 - In Zimbabwe geit de euverwinning in de eësjte vrieje verkezinge (wobiej waal 20 van de 100 zetels veur ein blanke minderheid is gereserveerd) nao Robert Mugabe. Hae beneump ein kabinet van 20 zjwarte (ónger wae ziene groate rivaal Joshua Nkomo) en drie blanke ministers. Daomit wilt hae probere, nao de koloniale tied en de tied van discriminatie ónger ein racistisch blank bewèndj, de waeg nao nationale verzoening op te gaon.
17 - De Mobiele Eenheid maak ein eindj aan ein blokkade van de kerncentrale van Borsele.
24 - In San Salvador wirt aartsbisjhop Óscar Romero vermoord door extreemrechse commando's. Hae waas ein van de wènnige die in El Salvador baove de partieje wis te sjtaon en puur 't gewete vertaengewoordigde.
24 - In de Golf van Mexico sjlaag me d'r in de aoliebrón Ixtoc I, wo-oet al saer 3 juni 1979 aolie lek, te dichte. Gigantische aoliemassa's drieve in de Golf.
31 - Jesse Owens sjturf op 66-jaorige laeftied. Mèt veer gouwe medailles waas de zjwarte Amerikaan de groate held van de Olympische Sjpele van 1936 in Berlien.

april

1 - De NOS begint mèt de officiële oetzending van Teleteks.
3 - In Lekkerkerk wirt officieel bekènd gemaak dat de nuujboewwiek Lekkerkerk-Wes op ein sjtortplaatsj van chemisch aafval is geboewd. De 270 hiej woonechtige gezinne waere geëvacueerd en tiedelik urges angesj gehoesves, wonao de gróndj ónger de hoeze wirt aafgegrave en gesaneerd.
4 - Meë es 10.000 Cubane vlöchte in Havana 't ónbewaakde terrein van de ambassade van Peru op, óm langs dae waeg 't landj te kènne verlaote. Op 16 april 1980 maoge ze allemaol Cuba verlaote.
5 - Jan Raas wint veur de veerde opeinvolgende keër Nederlands ènnige wielerklassieker, de Amstel Gold Race.
7 april - In Iran zaet ayatollah Khomeini dat de 70 gijzelaers in de Amerikaanse ambassade in Teheran, die dao al saer 4 november 1979 zitte, neet eërder zulle vriejkómme es went 't Iraanse parlement dat besjlis. De Amerikaanse president Jimmy Carter verbruk dao-op de diplomatieke betrèkkinge en kondigt ein nuujhanjelsembargo aaf. Iran wilt mèt de gijzelaers de VS dwènge óm de sjah oet te levere.
15 - De Franse filosoof, toneelsjriever en begenadigd vertèller Jean-Paul Sartre, de gróndjlègker van 't existentialisme, euverliejt op 74-jaorige laeftied.
15 - De film Kramer vs. Kramer van Robert Benton krit biej de Oscar-oetreikinge in Hollywood de meiste prieze. Tot bèste boetelandjse film wirt Der Blechtrommel van Volker Schöndorf gekaoze.
25 - Biej Operatie Eagle Claw, ein poging van de United States Armed Forces óm de gijzelaers mèt eine verrasjingsaanval te bevrieje kómme ach soldaote óm 't laeve es ein vleegtuug en eine helikopter opein bótsje. De Iraniërs verdeile de gijzelaers noe euver 't ganse landj. De Amerikaanse minister van boetelandjse zake Cyrus Vance treujt aaf oet protes taenge de actie, wo-euver hae neet waas ingelich.
26 - Gerard Nijboer wint de Marathon van Amsterdam in de waereldtied van 2:09.01.
29 - 'Master of suspense', de Amerikaanse filmregisseur Alfred Hitchcock euverliejt op 80-jaorige laeftied.
30 - Abdicatie van keuningin Juliana ten gunste van häör awtste dochter Beatrix. De inauguratie van Beatrix es keuningin der Nederlanden geit gepaerd mèt groate krakersrelle.

mei

4 - Op 87-jaorige laeftied, nao ein lang krengde, sjturf 't Joegoslavische sjtaatshoof Josip Broz Tito. Aan häöm waas 't te danke dat d'r ein natie woort gemaak oet ein landj van 24 bevolkingsgroepe, mèt twelf tale en drie groate religies.
8 - In t sjtads- en sjtreekverveur wirt de sjtrippekaart ingeveurd es óngerdeil van 't nationaal tariefsysteem.
10 - In 't door aorloge, börgeraorloge, dictatuur en misdadigersbendes oetgemergelde Uganda griepe de militaire de mach en sjtèlle ein waek later ein börgerregering aan. In dit besjtuur is d'r ein meërderheid veur de aanhangers van Milton Obote, dae in 1971 door Idi Amin ten val waas gebrach. Obote keërt op 27 mei 1980 trök oet zien ballingsjap in Tanzania en wirt op 10 december 1980, biej de eësjte vrieje verkezinge saer de ónaafhankelikheid in 1962, tot president gekaoze.
17 - Naodat in Miami veer politiemen die eine zwarte miensj hèjje doadgesjlage, woorte vriejgesjpraoke van sjtraofvervolging, braeke in dees Amerikaanse sjtad rasseónlöste oet.

juni

1 - Oprichting van de Amerikaanse nuujszender CNN door Ted Turner.
6 - Voor de derde keër zieëjt 't Amerikaanse radar-waarsjuwingssysteem paniek door eine raketaanval te melje. Oarzaak is opnuuj ein computersjteuëring.
20 - Veur 't eësj in 20 jaor vènje in Irak vrieje verkezinge plaatsj. Winnaer wirt de regerende Baath-partiej van Saddam Hoessein, dae 175 van de 250 zetels verwurf.
22 - Wes-Duutsjlandj wint in Roame 't EK voetbal door Belsj in de finale mèt 2-1 te versjlaon.
25 - De Baskische aafsjeijingsbewaeging ETA terroriseert ein aantal daag lank de toeristecentra in Zuid-Sjpanje mèt bómaansjlage. Op dees meneer wilt de ETA 19 medesjtanders vriej kriege en ein reeks politieke eise krach biejzètte.
28 - Jack Middelburg wint de 500 cc-klasse van de TT Assen.

juli

1 - Québec perbeert tevergeefs oonaofhaankelek vaan Canada te weure
4 - In Iran waere veer luuj gesjteinigd vanwaege 'seksuele misdrieve'. Hónderddoezende betuige hun insjtömming mèt de islamitische wetgaeving van ayatollah Khomeini. D'r zint ouch ein paar protesgeluide, mèr ouch de kleijingwètte veur vrouwluuj waere opgelag: vanaaf noe zint ze verplich zich te bedèkke mèt de sjluijer en de chador.
16 - Op 't Noorse deil van 't continentaal plat wirt op de Noordzeë ein record-gaasbel aangebaord van 2 miljoen km3 (kubieke kilomaeter).
18 - India is 't zösde landj in de waereld dat ein zelf-óntwikkelde raket lanceert. 't Landj brink d'r ein satelliet mit in ein baan óm de aarde.
19 - De Russische partiejleijer en president Leonid Brezjnev äöpent de Olympische Sjpele van Moskou. Van de 146 lidlènj van 't IOC doon d'r mèr 81 mit. De Verenigde Sjtate van Amerika en väöl anger lènj zint weggebleve oet protes taenge de Russische inval in Afghanistan.
20 - Na vief keër tweëde te zeen gewore wint Joop Zoetemelk, es tweëde Nederlander in de gesjiedenis, de Runj van Frankriek. Ouch de tweëde plaatsj is veur 'ne Nederlander: Hennie Kuiper.
22 - De Knesseth nump ein wèt aan die Jeruzalem verklaort tot "eëuwige en óndeilbare hoofsjtad" van Israël.
27 - Sjah Mohammed Reza Pahlavi euverliejt op 60-jaorige laeftied in ein ziekehoes in Caïro. Hae waas de verdreve heerser van de Perzische pauwetroan en waas ein jaor lank eine vlöchteling.
27 - In Antwerpen goajt eine Palestien tweë granate tösje eine groep joodse kènjer. Ein kènj wirt gedoad, 17 angere loupe verwónjinge op. De dader wirt gearresteerd.

augustus

2 - De Italiaanse sjtad Bologna wirt opgesjrik door eine aansjlaag wobiej 85 doaje valle.
6 - De Amerikaanse president Jimmy Carter bekrachtig ein directief dat de intercontinentale raket op nuuj doele rich: veurtaan zint neet langer de groate sjtaej in de Sovjet-Unie, mèr in de eësjte plaatsj de militaire en politieke commandocentra 't doelwit van de vernetiging.
14 - Op de Poolse Lenin-sjeepswerf begint de sjtaking die door väöl luuj es 't begin van de val van 't communisme in 't Oosblok gezeen wirt en die leijt tot de oprichting van Solidarność.
20 - De Veiligheidsraod veroardeilt de Israëlische annexatiewèt, womit 't gedeiltelik bezatte Jeruzalem tot 'eëuwige hoofsjtad van Israël' wirt oetgerope.
31 - De regering van Pole geit akkoord mèt alle eise van de sjtakende arbeiders op de sjeepswerf van Gdansk. D'r waere groatsjeepse toezègkinge in de sociale sfeer gedaon en baovendeen maog eine ónaafhankelike vakbóndj waere gevörmp en kump d'r officieel sjtakingsrech. Veer daag later kriege ouch de sjtakende mienwirkers dees rechte.

september

5 - De Gotthardtunnel wirt veur auto's geäöpend en is 17 km lank.
5 - Amerikaanse weitesjappers óntdèkke biej 't besjtudere van de foto's van de ruumdesondes Voyager 1 en Voyager 2 de 16de maon van Jupiter. Dit hemellichaam is neet groater es 40 km.
5 - In Duutsjlandj waere de terroriste Christof Wackernagel en Gert Schneider vanwaege poging tot moord op drie Nederlandse politiemen en vanwaege lidmaatsjap van ein terroristische organisatie veroardeild tot 15 jaor gevangenissjtraof.
6 - De Poolse partiejchef Edward Gierek wirt vervange door Stanislaw Kania.
9 - Oprichting van de Nederlandse Taalunie
10 - In China verlus de opvolger van Mao Zedong, Hua Guofeng, biej 't Volkscongres väöl sjteun. Hae mót aaftraeje es premier, mèr blif nog partiejleijer; nuje premier wirt de economisch hervormer Zhao Ziyang. Vanwaege hunne laeftied traeje zeve vice-premiers aaf, ónger wae de sjterke man Deng Xiaoping, mèr allemaol blieve ze väöl mach hawwe in de partiej.
11 - Volges opgaaf van de militaire junta van Chili höbbe tweë derde van de kezers in ein referendum veur de nuuj gróndjwèt gesjtömp. Generaal Pinochet kènt daomit nog pès 't eindj van de jaore 80 in functie blieve.
12 - In Turkije griep 't leger de mach, nao eine coup dae zich zónger bloodvergete voltrek. D'r kump eine 'Nationale Veiligheidsraod', ónger leiding van generaal Kenan Evren, dae 't parlement óntbundj en alle vakbóndje of politieke organisaties verbeejd. Euver 't heële landj wirt de sjtaot van beleg oetgerope.
17 - Irak zaet 't grensakkoord oet 1975 mèt Iran op.
17 - De man dae väöl jaore dictator van Nicaragua waas, mèr door 't Sandinistisch Nationaal Bevrijdingsfront woort verjaag, Anastasio Somoza, wirt vermoord in zien ballingsaord Asunción, de hoofsjtad van Paraguay.
22 - Irak vilt Iran aan. Begin van de aorlog Iran-Irak.
26 - Biej eine bómaansjlaag op 't Oktoberfest in München kómme 13 luuj óm en rake 219 luuj gewóndj. De dader, eine 21-jaorige rechse extremis, kump zelf ouch óm 't laeve. De politie nump aan dat 't ein einmansactie betróf.

oktober

1 - 't 150-jaorig besjtaon van Belsj es einheidssjtaat (1830) wirt gevierd. D'r waere daen daag ouch nuuj wètte euver de sjtaatshervorming van krach. Nuuj besjtuursorgane veur Vlaandere en Wallonië zörge veur groatere culturele en economische zelfsjtendigheid van de geweste.
10 - Tenminste 20.000 doaje biej ein aardbeving in de buurt van de sjtad El Asnam in 't noorde van Algerije. Ouch rake d'r 44.000 luuj gewóndj en 380.000 luuj waere daakloas.
11 - Fusievergadering in Den Haag die leijt tot 't óntsjtaon van 't CDA, oet de politieke partieje ARP, CHU en KVP.
20 - Veur 't eësj maak ein vleegtuug dat oetsjlutend gebruuk maak van zónne-energie ein proofvlöch baove Californië
24 - De nuje ónaafhankelike Poolse vakbóndj Solidarność wirt geregistreerd. Esnog probeert de regering de sjtatute van de bóndj te bepaole, mèr op 10 november wies 't Opperste Gerechtshof van Pole dat aaf.
27 - De roams-katholieke bisjhoppesynode kondig aan dat 't 'geval-Galilei' opnuuj zal waere bezeen. Galileo Galilei woort in 1633 ónger dreiging van martelinge gedwónge zien sjtèlling te herrope dat de aarde óm de zón drèjt en neet de zón óm de aarde.

november

4 - De veurmalige filmacteur Ronald Reagan kriet biej de Amerikaanse presidentsverkezinge 51 procent van de sjtömme, taenge de zittende president Jimmy Carter 41 procent. Ouch verwerve de Republikeine, de partiej van Reagan, mèt 53 van de 100 zetels ein meërderheid in de Amerikaanse Senaat. Daomit is ein eindj gekómme aan de coalitie van zjwarte, erme, vakbunj en intellectuele die saer Franklin Delano Roosevelt's New Deal (VS) eine sjtempel zat op de poletiek.
15 - De Voyager 1 ruumdesonde bereik de planeet Saturnus en sjtuurt sjpectaculair foto's van Saturnus, zien ring en zien maone truk nao de aarde.
20 - In Peking begint 't proces taenge de Bende van Veer.
21 - Biej 'ne brandj in 't MGM Grand Hotel and Casino in Las Vegas kómme 85 luuj 'm 't laeve. 't Geboew wirt later gereneveerd en heräöpend ónger de naam Bally's Las Vegas.
23 - Meë es 4.000 doaje zint te betreure en 120.000 luuj waere daakloos nao ein zjwaor aardbaeving in Napels (provincie) in Zuid-Italië biej Salerno, Polenza en Caserta. Kouw, sneë en raenge bemeujlike 't rèddingswerk en de zörg veur de getróffene.

december

8 - John Lennon wirt in New York vermoard door Mark Chapman.
16 - 't Verbreijde en oetgedeepte Suezkanaal wirt weer vriejgegaeve veur ’t internasjenaal sjeepsverkeër. Veur 't eësj kènne noe vol supertankers, pès 150.000 tón, door 't kanaal vare.
21 - Iran eis veur de vriejlaoting van 52 giezelaers oet de Amerikaanse ambassade 24 miljard Amerikaanse dollar. De VS wieze de eis van de handj.
25 - De Vlaamse zenger Louis Neefs en zien vrouw kómme óm 't laeve biej ein verkeërsóngeval.
28 - De Nederlandse zóndebok Marinus van der Lubbe, wirt postuum vriejgesjpraoke.
31 - De sjriever Léopold Sedar Senghor lègk zien functie van president van Senegal neer, mèr hae blief waal veurzitter van de regerende socialistische partiej PSS.

zónger datum

In Algerije wirt 't Arabisch de ènnige officiële taal.
3M brink de gael post-it velkes op de mert.
Bart van Kampen rich de Zjwarte mert van Beverwiek op.
Op de Olympische Sjpele van Moskou is d'r ein gouwe medaille veur de Belsje: judoka Robert van de Walle. Hae wint de titel in 't haufzjwaorgewich. De Nederlandse marathonlouper Gerard Nijboer wint zilver.
De cent wirt in Nederlandj officieel aafgesjaf, mèr blief pès 1983 in ómloup.

Nobelprieze

Natuurkunde: James Cronin en Val Logsdon Fitch "um de oontdèkking vaan sjenninge vaan fundamenteel symmetrieprincipes bij 't verval vaan neutraol K-mesone."
Sjemie:
- Paul Berg "veur zien fundamenteel studies nao de biosjemie vaan nucleïnezoere, mèt bezunder aondach veur herstèl-DNA."
- Walter Gilbert en Frederick Sanger "um hun bijdrage umtrint de bepaoling vaan basepare in nucleïnezoere."
Geneeskunde: Baruj Benacerraf, Jean Dausset en George D. Snell "um hun oontdèkkinge umtrint genetisch bepaolde structure vaan de celoppervlaakde die immonulogische reactie regele."
Literatuur: Czesław Miłosz, "dee mèt compromisloes sjperpzinnegheid de mins zien naaksheid in e wereld vaan zwoer conflikte oonthölt."
Vrei: Adolfo Pérez Esquival, "minserechteactivis, stiechde geweldloes minserechteorganisaties tege de militaire junta dee zie land (Argentinië) leide."
Economie: Lawrence Klein "veur de creatie vaan econometrieke modelle en hun touwpassing in de analyse vaan economische fluctuaties en economisch beleid."

Maan vaan 't Jaor

Ronald Reagan

Gebore

14 jannewarie - Taeke Taekema, Nederlandse hockeyer
19 jannewarie - Jenson Button, Britse autocoureur
11 fibberwarie - Karin Ruckstuhl, Nederlandse atlete
12 fibberwarie - Bram Som, Nederlandse atleet
2 miert - Zuhal Demir, Belsj-Limbörgse politica
12 miert - Jens Mouris, Nederlandse fitserenner
21 miert - Ronaldinho, Braziliaanse voetballer
14 april - Nynke Laverman, Friese fadozengeres en actries
15 april - Fränk Schleck, Luxemburgse fitserenner
17 april - Kiril Petkov, Bölgaorse premier
28 april - Bradley Wiggins, Britse fitserenner
14 mei - Eugène Martineau, Limbörgse atleet
15 mei - Yvonne Hijgenaar, Nederlandse fitserenster
31 mei - Edith Bosch, Nederlandse judoka
16 juni - Thijs Al, Nederlandse mountainbiker
17 juni - Venus Williams, Amerikaanse tennisster
18 juli - Kristen Bell, 'n actrice oet Michigan
26 augustus - Chris Pine, Amerikaansen acteur
30 september - Martina Hingis, Zjwitserse tennisster
3 oktober - Boris Titulaer, Nederlandse zenger
15 oktober - Tom Boonen, Belsje fitserenner
11 november - Lobke Berkhout, Nederlandse zeilster
13 november - Laurens ten Dam, Nederlandse fitserenner
9 december - Nathália Rodrigues, Braziliaanse actries
19 december - Victoria Koblenko, Oekraïens-Nederlandse actrice, presentatrice en columniste

Gesjtorve

3 jannewarie - Lucien Buysse (87), Belsje fitserenner
1 fibberwarie - Gastone Nencini (49), Italiaanse fitserenner
19 fibberwarie - Bon Scott (33), Sjotse zenger (AC/DC)
25 miert - Roland Barthes (64), Franse literatuurtheoreticus en filosoof
29 miert - Annunzio Paolo Mantovani (74), Britse orkesleijer
31 miert - Jesse Owens (66), Amerikaanse atleet en Olympisch kampioen (1936)
15 april - Jean-Paul Sartre (74), Franse filosoof en sjriever
29 april - Alfred Hitchcock (80), Britse regisseur
4 mei - Josip Broz Tito (87), Joegoslavische politicus
18 mei - Ian Curtis (23), Èngelsje singer-songwriter (Joy Division)
7 juni - Henry Miller (88), Amerikaanse sjriever
21 juni - Bert Kaempfert (56), Duutsje componis, arrangeur en orkesleijer
20 juli - Gerard Croiset (71), Nederlandse paragnost
22 juli - Fred Kaps (54), Nederlandse goochelaer
27 juli - Gerard van Walsum (80), Nederlandse politicus (o.a. börgemeister van Rotterdam)
17 augustus - Tex Avery (72), Amerikaanse teikenaer veur Warner Bros (o.a. Bugs Bunny en Daffy Duck)
20 augustus - Otto Frank (91), vader van Anne Frank
16 oktober - Carl Romme (83), Nederlandse politicus
7 november - Steve McQueen (50), Amerikaanse filmacteur
12 november - Haya van Someren (54), Nederlandse politica
19 november - Jan Broeksz (74), Nederlandse journalis, ómrooppionier en -veurzitter (VARA), politicus en radiopresentator
22 november - Mae West (87), Amerikaanse actrice
8 december - John Lennon (40), Britse popmuzikant van The Beatles
24 december - Karl Dönitz (89), Duutsje opperbevèlhöbber ter zeë en riekspresident
25 december - Louis Neefs (43), Vlaamse zenger

Meziek

Bès verkochde singles in Nederlandj:

Barbra Streisand - Woman In Love
Spargo - You And Me
Goombay Dance Band - Sun Of Jamaica
Captain & Tennille - Do That To Me One More Time
Don McLean - Crying
André van Duin & Het Nederlands Elftal - Nederland Die Heeft De Bal
Sugarhill Gang - Rapper's Delight
Massada - Sajang É
ABBA - The Winner Takes It All
Lipps Inc - Funkytown

Bès verkochde album in Nederlandj:

BZN - Grootste Hits

Categorie