Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Odijk Gewaeze gemeinte in Nederlandj | |||||
| |||||
Gevörmp | 1817 | ||||
Opgehaeve | 1964 | ||||
Opgegange in | Bunnik | ||||
Provincie | Utrech | ||||
Hoofplaats | Odijk | ||||
Opperflaakde (bie opluffing) | 6,48[1] km² | ||||
– daovan water: | ? km² | ||||
Inwoeners (kort veur opluffing) | 1.082 (1960) | ||||
– deechde: | 151,5/km² | ||||
Lies van börgemeisters |
Odijk (Utrechs Ojik) is e dörp in de Nederlandse gemeinte Bunnik, provincie Utrech. Feitelek is 't ouch de hoofplaots vaan dees gemeinte, umtot 't raodhoes binne deze kern steit. 't Dörpke heet zoe'n 4.500 inwoeners. Odijk ligk direk zuidoostelek vaan Bunnik aon de N229 en de Kromme Rijn; d'n A12 sjeit de bei dörper. Ouch ligk Odijk op korten aofstand vaan Werkhoven, Zeist en Driebergen-Rijsenburg.
Odijk waor vaanajds e weegdörp, meh had ouch get vaan e kómpdörp. De groete weeg vaan Bunnik nao Wijk bij Duurstede (de veurluiper vaan d'n N229) maakde 'nen drej door de dörpskern, dee daodoor ineingeklap zaot.[1] Te beginne in de jaore 1950 is 't dörp mèt väöl nuibouw oetgebreid, zoetot 't 'n ech koompdörp woort, begrens door 'ne wije meander in de Kromme Rijn aon de noord-, oos- en zuidkant en door de groete weeg aon de weskant.
Vaan 't aajd dörp is neet väöl mie euver. In 't dörp gief 't welgetèld drei rieksmonuminte; dat is mèt 't boetegebeed mètgerekend.[2] Belaankriekste monumint is 't gotisch Sint-Heribertkèrkske (zuug foto). Hei en dao vint me nog - dèks verbouwde - aw boerderije.
De umgeving is evels bezunder beziensweerdeg. Neve de Kromme Rijn löp e paad wat väöl weurt gebruuk veur wandelrecreatie. Sinds de jaore negeteg is hei, wie in de ganse gemeinte, väöl gedoon um de revierkante natuurleker te make. Ouch vint me in 't boetegebeed väöl boumgaarde.
De Kromme Rijn waor in de Romeinsen tied de hoofluip vaan de Rijn en de grens vaan 't Riek. Odijk geit evels zelf neet trök op Romeinse wortele. De naom - in 'n achsteniewse akte gegeve es Iodichem, 'heim vaan Jodik' - is Germaans en verraojt 'n heerkoms oet de vreug middeliewe. De geneumde akte behandelt de sjinking in 732 vaan Fectio (Vechten) en diverse geujer in de umgeving (neve Iodichem ouch Bunninchem (Bunnik) en Uuercundia (Werkhoven)) aon de bisjop vaan Utrech. Pas in d'n twelfden of daartienden iew krijg Odijk e dörpskèrkske; nog later in de middeliewe weurt 't e zelfstendeg geriech. In de Fransen tied geit dat naojeloes in 'n gemeinte euver.
In 1964 weurt Odijk mèt Werkhoven aon de gemeinte Bunnik touwgeveug. De drei gemeintes deile daan al 'ne börgemeister en 'n amteleke organisatie. De sterke greuj, die inkel jaore deveur waor begós, woort nao de fusie doorgezat. Odijk woort 'n ech forenzedörp, wie Bunnik meh in tegestèlling tot Werkhoven, iewelaank groeter es Odijk meh allewijl e stök kleinder.
Tot aon d'n Twiede Wereldoorlog sjogkelde de bevolking vaan Odijk oongeveer op 'tzelfde niveau. Pas daonao weurt deen trend umgedrejd en begint de gemeinte explosief te greuje, e perces wat bij de annexatie nog in volle gaank is.
|
|
(v1830=100)
Greun: gemeinte Odijk
Blauw: provincie Utrech
Odijk had gein officieel waope, meh gebruukde wel 't volgend taffereel es oonofficieel waope:
Dit waope is ouch in 't waope vaan de fusiegemeinte Bunnik opgenome.[18] 't Geit hei evels um 'ne gereduceerde vörm, mèt Sinterklaos en de drei kinder in e beutsje en zoonder zon en kèrk.[19]