Dit artikel is gesjreve (of begós) in 't Baeks. Laes hie wie v'r mit de versjillende saorte Limburgs ómgaon.

Snus (oetgesproake es "snuus") is 'n soart tabak dat d'r oetzuut es vochtig poejer. 't Wurdj veural gebroek in Noorwege en Zwede.

De meneer om snus te gebroeke is om 't ongjer de boavelip te duuje en 't doa ' n tiedje te loate zitte. De tied kint variere van 'n paar minute tot 'n paar oer.

D'r zin twië soarte snus

• Original snus of lössnus is vochtig poejer dat se zelf in porties mos verdeile.
• Portionssnus is veurverpakte snus, dat in tuutjes zit van hetzelfde spul wo auch theetuutjes van gemaak zin.

Snus mot in de keulkas bewaard waere anders ontstoan nitrosamines.

Snus is sinds 1992 verboaje in de Europese Unie noadat onderzeukers van de Waereldgezondheidsorganisatie heije geconcludeerd dat snus kanker zou veraorzake, mèr ze goave later toe dat ze neer genog bewies heie om dat te kinne zigge. Toen Zwede in 1994 lid woordj van de Europese Unie heije ze aafgedronge dat snus dao legaal bleef.