ZE
|
Questa pàgina a l'é scrîta in léngoa zenéize |
O Metano o l'é un idrocarbüro alifatico, oscia o no l'appartegne a l'atra categoria de idrocarbüri, i aromatici. A sö formula costitusionale a l'è CH4.
O l'appartegne a quello tipo de idrocarbüri alifatici dïti alcani, caratterizzæ da l'avei i atomi de carbonio con unn-a ibridasion sp³: in atre parolle, inta struttüa molecolare l'è presente solo ligammi semplici. Inoltre i alcani son diti idrocarbüri saturi perchè contegnen o mascimo nümero de atomi de idrogeno compatibili co-a tetravalensa do carbonio.
A massa molecolare a l'è pä a 16,04; a temperatüa de füxon a l'è de -182,7 °C mentre quella de ebollision de -161,4 °C.
O metano o se tröva in natüa sotto forma de gas. O l'è presente normalmente inti giaçimenti de petrolio (ma existe anche immensci giaçimenti solo de metano).
Quande se estrae o petrolio, rimonta in süperficce anche o metan, in meddia in quantitæ pä a-o petrolio mæximo. Se i giaçimenti son distanti da-i sciti de consümmo, o se se trövan in mä averto, risülta squæxi imposcibile döviä quello metano, ch'o vegne perciò brüxiou comme o sciorte da-i pozzi senza esse ütilizzou in nisciün moddo, oppure o vegne ripompou inti giaçimenti de petrolio, mediante l'üso de türbinn-e a gas. Inte questa mainea vegne favorîo ulteriormente a sciortia do petrolio grezzo grazie a-a prescion.
O metano o no l'ha ni odô, ni cô, ni güsto: pe ese distribuìo inte ræ, ghe vegne azzunto un odô mediante un processo de lambimento de un liquido da-o caratteristico "odô de gas"; spesso se tratta do tetraidrotiofene. A questa mainea se rende avvertibile a prezensa de gas inte l'ambiente e se ne diminuisce a pericoloxitæ.
A molecola a l'ha forma tetraedrica; l'atomo de carbonio o l'è a-o çentro de un tetraedro regolare avente a-i vertici i atomi de idrogeno.
O metano è l'è o prinçipä componente do gas natürä: o l'è un eccellente combüstibile poiché o prodüxe o maggiô quantitativo de calô pe massa unitaia. Brüxando unn-a molecola de metano in presenza de oscigeno se forma unn-a molecola de CO2 (anidride carbonica), due molecole de H2O (ægua) e se libera unn-a quantitæ de calô:
Dä combustion de un metro cübbo standard de metano se ottegne sciüpperzü 36 megajoule (8940 Kcal).
O ligamme covalente carbonio-idrogeno into metano o l'è un di ciü forti tra tütti i idrocarbüri, pe questo motivo o sö üso comme mateia primma in chimica o l'è limitou. A riçerca de un catalizzatô ch'o posse façilitâ l'attivazion do legamme C-H into metano e inti atri alcani leggê a l'è un'area de riçerca con importanti risvolti indüstriæ.
Pe uniformâse co-a lettiatüa scientifica in sce questo argomento, emmo mantegnüo a definision effetto særa anche se o termine italian serra in zeneize o l'andieva reiso con stüffa. O metano o l'è un gas særa presente in atmosfera in concentrazioin molto inferioî a quelle de l'anidride carbonica (CO2) ma con un potensiale de rescädamento globale 23 votte süperiô. A sö concentrazion in atmosfera a l'è aumentä da 700 ppb (parti pe miliardo) inti anni da-o 1000 a-o 1750 finn-a a 1.750 ppb into 2000, con un incremento do 150%. O metano o l'è responsabile do 20% de l'incremento de l'effetto særa.
O metano o l'è o risültou da decompozision de diverse sostanse organiche in assensa de oscigeno. Pe questo o l'è clascificou anche come biogas.
E prinçipali fonti de emiscion de metano inte l'atmosfera son:
Da o 60% a l'80% de emiscioin mondiali son de origine umana. Derivan prinçipalmente da minê de carbon, descareghe, attivitæ petrolifere, gasdotti e agricoltüa.
O gas natürale o l'è comünemente ciammou "metano" anche se pe-a veitæ o l'è composto da metano e atri gas; o l'è ütilizzou in Italia come combüstibile pe autotrazion da-i anni '30, quande a politica de l'autarchia a l'aveiva stimolou a tecnologia nasionale do momento a çercä soluzioin növe pe l'utilizzo de carbüranti alternativi. L'è de quello periodo e riçerche in sce o gassogeno, apparecchio che o distillava monossido de carbonio da-e legne, alimentando con questo monossido un motore a sciöppo. Attualmente in Italia se tröva un bon nümero de distributoi de metano, distribuî però irregolarmente. In regioin comme Emilia-Romagna, Veneto, Campania ghe ne è unn-a rete capillare; in Sicilia e Calabbria son ancun pochi e in Sardegna no ghe n'è. A Liguria a l'ha ancun relativamente pochi distributoi; a Zena ghe n'è dui, rispettivamente a Bôzaneo e a-e Gavette.
Into zügno do 1959 inti dintorni de Lodi unn-a perforasion de l'ENI (ente-nazionale-idrocarburi), alloa guidä da Enrico Mattei, a scröve o primmo giaçimento profondo de l'Euròpa Occidentale.
Successivamente se inisia i rilevamenti into Mâ Adriatego, ma e primme due perforasioin daven exito negativo, coscì l'Eni a l'abbandonava l'idea preferindo destinä e risorse a perforasioin into Mâ Rosso. In atteisa de autorizzasioin da parte do governo egisian, l'ENI a deçideiva de compï unn-a tersa trivellasion a-o largo de Ravenn-a, che a dava exito poxitivo. Into 1959 intrava in funsion a primma piattaforma metanifera.
A-o largo de Croton, attualmente e piattaforme de l'ENI estraen circa o 15% do consümmo nasionale de metano, segge pe üso çivile che indüstriale.
Contròllo de outoritæ | LCCN (EN) sh85084379 · GND (DE) 4169678-5 · BNF (FR) cb11980022t (data) · NDL (EN, JA) 00576602 |
---|