El Basoden (parnonzia local: [ba'zɔdan][1]; italian: Basodino, scrivuu despess anca Basòdino; todesch istoregh: Basaldiner Horn) l'è ona montagna di Alp Lepontinn.
L'è alt 3.272 meter e 'l se troeuva a cavall in tra l'Italia (Piemont) e la Svizzera (Canton Tesin). Pussee precisament, el Basoden a l'è in de la cadena che la se troeuva a metà in tra la Val Formazza (Val d'Ossola) e la Val Bavona (Val Maggia).
In sul versant valmaggin a gh'è anca on giazzee bell important. Inoltra, di sò aves el vegn foeura on riaa che l'è vun di affluent de la Bavona. La via classega per rivàggh in scima la partiss de Formazza.