Serbia atau sacaro rasmi Republik Serbia adolah sabuah nagara nan takuruang daratan di pasimpangan Eropa Tenggara jo Tangah,[1][2] nan talatak di Balkan jo Dataran Pannonia. Babatehan jo Hungaria di utara, Rumania di timur laut, Bulgaria di tenggara, Makedonia Utara di selatan, Kroasia sarato Bosnia jo Herzegovina di barat, pulo jo Montenegro di barat daya.[3] Serbia mangklaim babatehan jo Albania malalui wilayah sengketa Kosovo.[4] Ibu kota jo kota tagadangnyo iolah Beograd.
Politik Serbia barado dalam karangko parlemen kesatuan nan ditantuan dek Konstitusi Serbia, di mano Presiden adolah kapalo nagara sarato Pardana Mantari sabagai kapalo pamarentahan.[5] Kuaso legislatif dipacik dek Majelis Nasional unikameral nan tadiri dari 250 wakia nan dipiliah sacara proporsional.[6] Paradilan basipaik independen nan dipimpin dek Mahkamah Aguang Kasasi.[7][8]
Badasarkan sensus tahun 2022, Serbia mampunyoi panduduak 6.647.003 jiwa dilua panduduak Kosovo jo kapadekan panduduak sacaro kasaluruahan tagoloang sadang yaitu 85,8 jiwa per kilometer persegi.[9] Sadangkan Kosovo, nyo manyelenggaraan sensus surang di mano panduduaknyo bajumlah 1.739.825 jiwa.[10] Nagara ko marupokan salah ciek nagara jo panduduak tatuo di dunia, jo umua rato-rato 43,3 tahun,[11] sarato panduduaknyo taruih manyusuik, salah ciek nan paliang capek panyusuiaknnyo di dunia.[12]
One particular emphasis has been helping Serbia take advantage of its strategic location in central Europe through investments in transport infrastructure.