Vuoscoriale o accurciato Vuosco è nu comune 'e 'mmerzo 27mila 'e abitante d''a pruvincia 'e Napule. 'A vija cchiù llonga è via Promiscua, ca arriva nfi e Vuoscotrecase, ma 'a vija cchiù 'mpurtante è via Giovanni della Rocca, ca cummunica cu' tutte ll'ati vvije ca puortano ô cumune, â scola elementare, â scola media e â raggioneria. A Vuoscoriale ce sta pure nu museo vicino 'e palazzine d''a Maronna 'e fraggello, addò stà 'o piano Napule, ca se chiamma Antiquarium e fa veré tutt'e ccose ca so succiese quanne scuppiaje 'o Vesuvio.
'Int"o terrieno 'e Vuoscoriale ce stavano ggià d"a ll'epuca sanniteca assaje ville rumane rusteche ca sfruttavano 'a fertilità d’’o terrieno.Cu 'o tiepo assaje e esse se trasfurmarono in residienze lussuose e in età augustea 'o sito, 'nzieme 'a ll'attuale Vuoscotrecase, era addeventato u sobborgo d"a vicina Pumpei cu 'o pussibbele nomme 'e Pagus Augustus Felix Suburbanus. 'E ville d’’o terrieno venettero distruggiute d’’o scoppio d’’o Vesuvio d’’o 79 d.C. ma aropp" terrieno venette pussibbelmente rioccupato comme pare testimunià 'o ritruovamiento 'e lucerne cu simbule cristiane d’’o IV seculo.
All'epuca muderna 'o cumune è stato nu 'mpurtante centro agriculo, fammoso pa suoja frutta e pe 'e suoje vine ntra chisti ce sta 'o cchiù fammoso ca è 'e siguro 'o Lacryma Christi d'ô Vesuvio. Ogge Vuoscoriale è uno d"e cumune ca fanno parte d’’o terrieno d’’o Parco Nazziunale d’’o Vesuvio e d’’o paese se pò raggiungere, grazzie 'o cullegamiento d"a via Matrone, 'p percurso naturalisteco ca porta 'e falde d’’o Vesuvio.
Monumiente
Religgione
Parrocchia Madonna do Carmine
Chiesa 'e Maria SS. Salòme
Cappella 'e Maria SS. 'e Montevergine
Congrega d’’o SS. Crocifisso dint"o Cimitero
Cappella Sant'Antonio 'a Padova
Parrocchia Sant'Anna ê Pellegrine
Parrocchia San Giuseppe in Marchesa
Parrocchia Maria SS. d’’o Suffragio in Marra
Chiesa 'e Santa Candida a Passanti
Santuario Madonna Liberatrice d"e Flagelli
Monumenti
Monumento ìe Carute
Musei
Antiquarium 'e Vuoscoriale
Ato
Palazzo De Prisco
Palazzo Zurlo
Villa Riggina
Antiquarium
Ville rumane
'E ville rumane stanno 'int"e scave archeologgece 'e Vuoscoriale.
Traspuorte
A Vuoscoriale ce stanno ddoje stazioni addò passa 'o treno, chella d'a vesuviana e chella d''a ferrovia d''o Stato. 'A primma appartene â linea 'e Poggiomarino, 'a siconna ferma sulo a Torre Nunziata Centrale e 'e trene passeno sulo â matina.
Pupulazzione
Pupulazzione censita
'O sinnaco
'O sinnaco d’’o cumune 'e Vuoscoriale 'e mmo è Gennaro Langella; d’’o 28 'e abbrile 2008 e è 'o suojo primmo mannato.
.svg)
Italia
