Arve Ulseth (28. september 1909–2. mars 1979) var ein langrennsløpar frå Deset i Åmot. Han vart noregsmeister på 18 km i 1946 og vann same sesongen femmila i Holmenkollen.

Aktiv

Ulseth vart nummer fire på NM-tremila 1946 i Drammen. Sidan vart han norsk meister på 18 km i 1946 med sluttida 1.04.30, han slo dermed sølvvinnaren Hallvard Eggset med 58 sekundar. Seinare i sesongen tok han i Alvdal bronsemedaljen på femmila i NM på ski, slått med over fem-og-eit-halvt minutt av vinnaren, Thorleif Vangen. Ulseth revansjerte seg i Holmenkollen, der han sigra på femmila og Vangen vart nummer to.

Ulseth la opp som langrennar etter 1947-sesongen.

Medaljar og besteplasseringar i noregsmeisterskap

• 1946: Gullmedalje på 18 km, samt bronsemedalje på 50 km
• 1947: Nr 7 på 18 km

Kjelder

• Aftenposten