Arvid Sundby | |
Fødd | 23. april 1901 Christiania |
Død | |
Yrke | arkitekt |
Arvid Sundby på Commons |
Arvid Sundby (23. april 1901–12. april 1999) var ein norsk arkitekt. Han var i mange år leiar av NSB Arkitektkontor (1947-1971) og hadde stor innverknad på norsk jernbanearkitektur i etterkrigstida.
Sundby var utdanna ved Technische Hochschule i Karlsruhe i 1924.[1]
Sundby teikna ein rekke bygningar knytte til jernbana, som stasjonsbygningar, verkstader, lokstallar, vaktarbustader og velferdshus. Hans mest kjende bygning er monumentale Bodø stasjon (1962), som er freda. Som leiar av Arkitektkontoret stod han bak ei rekkje bygningar på strekningane som vart bygde etter andre verdskrigen, særleg på nordre del av Nordlandsbana, som Røkland stasjonsbygning med lokstall og vaktarbustad, Bodø stasjonsbygning, godshus og lokstall, Støver stasjon, Oteråga stasjon, Valnesfjord stasjon og Fauske stasjon sitt godshus og hybelhus for tilsette.
Andre stader stod han mellom anna bak utvidinga av Dombås stasjon i 1956, då venterommet blei utvida og restauranten fekk eit eige utbygg. Porsgrunn stasjon - nybygg (1960) og godshuset på Lillehammer (1950) er òg Sundby sitt verk.
Stilmessig bevega Sundby seg frå historismen (nyrenessanse, nybarokk) over mot funksjonalismen Eit eksempel er Stensgata 11 på Fagerborg i Oslo, ein stor leigegard i funksjonalistisk stil frå 1936. Sundby samarbeidde med Arnstein Arneberg om det store funksjonalistiske forretningsbygget i Stortingsgata 12 i Oslo (1934).[2] I Oslo teikna han òg det store industrianlegget til Jordan-fabrikken på Løren, som sto ferdig i 1933.
(Årstala for stasjonar er byggjeåret; desse kan vike av frå opningsåret for stasjonen og banestrekninga.)