Dei ulike Wikimediaprosjekta passar godt for aktiv bruk av studentar, særleg fjernstudium over internett. Afrikastudiesidene er meint å samla og koordinera arbeid mitt relatert til afrikastudiane (ved NTNU). I utgangspunktet var det meininga at sidene skulle vera retta mot at fleire studentar kunne vera med på dette, men dette har det ikkje blitt noko av (og eg har heller ikkje gjort noko for å få nokon med). Afrikastudiane er tverrfaglege, noko som inneber at faga/modulane/kursa òg inngår i andre studium.
Kvar modul har ulikt pensum, ulike oppgåver, ulike faglærarar og så bortetter, modulsidene samlar arbeidet for kvar modul.
Dei følgjande oppføringane kan vera nyttige for å finne kjelder til oppgåver. NTNU-tilgang kan ein berre få dersom ein er tilknytta NTNU, det er to hovudmetodar å gjera dette på: ved hjelp av proxy eller ved hjelp av VPN. Den enklaste metoden er ved hjelp av proxy, medan den beste og sikraste er ved hjelp av VPN.