Dagursk | ||
Klassifisering | Mongolsk | |
Bruk | ||
Tala i | Kina, Mongolia | |
Område | Indre Mongolia, Hailar distrist; Heilongjiang provins, Qiqihar prefektur; Xinjiang, Tacheng prefektur | |
Dagursktalande i alt | 96 000 | |
Skriftsystem | Latinsk skrift, mongolsk skrift (historisk) | |
Språkkodar | ||
ISO 639-3 | dta | |
Glottolog | daur1238
|
Dagursk eller daur er eit mongolsk språk. Språket vert snakka av den etniske gruppa daur. Dagursk er inndelt i fire dialektar: amur-dagursk i nærleiken av byen Heia, nonni-dagursk på vestsida av Nonnielva frå Qiqihar i sør til Morin Dawa Daur-banneret i nord, Hailar-dagursk søraust for bydistriktet Hailar og ein fjerde dialekt i nærleiken av byfylket Tacheng i Xinjiang.
Halvparten av vokabularet i dagursk er mongolske arveord, medan oppunder ein tidel er lånord frå kinesisk[1] og ein tidel stammar frå mandsjuisk. Dagursk har også lånord frå evenkisk og russisk, og omtrent ein femdel av vokabularet har ikkje etymologi utanfor dagursk.[2]
Under Qing-dynastiet (1644–1912) vart dagursk skrive med det mandsjuriske alfabetet.[3] Dagursk har ikkje ein standardisert ortografi. Daurfolket brukar mongolsk og kinesisk skrift, sidan dei fleste talarane også kan desse språka.[4]