Fire and Rain Singel av James Taylor frå albumet Sweet Baby James | ||
B-side |
| |
---|---|---|
Språk | engelsk | |
Utgjeve | August 1970[1] | |
Innspelt | Desember 1969 Sunset Sound | |
Sjanger | Softrock, folkrock | |
Lengd | 3:20 | |
Selskap | Warner Bros. | |
Komponist | James Taylor | |
Tekstforfattar | James Taylor | |
Låtskrivar(ar) | James Taylor | |
Produsent | Peter Asher | |
James Taylor-kronologi | ||
«Sweet Baby James» (1970) |
Fire and Rain | «Country Road» (1970)
|
«Fire and Rain» er ein song skriven og framført av James Taylor og gjeven ut i august 1970 på Warner Bros. Records som ein singel frå det andre albumet hans, Sweet Baby James. Songen følgjer Taylor sin reaksjon på sjølvmordet til Suzanne Schnerr, ein barndomsvenn, og erfaringane hans med narkotikamisbruk og suksess. Etter utgjevinga nådde «Fire and Rain» ein andreplass på RPM-lista i Canada og tredjeplassen på Billboard Hot 100.[2]
I VH1-serien Storytellers sa Taylor at songen handla om fleire hendingar under den tidlege platekarrieren hans. Den andre linja «Suzanne, the plans they made put an end to you» refererer til Suzanne Schnerr, ein barndomsvenn av han som døydde av sjølvmord medan han var i London i England, og spelte inn sitt første album.[3] I den same meldinga sa Taylor at han hadde vore i ein djup depresjon etter at han ikkje klarte å halde i gang det nye bandet sitt The Flying Machine (teksten «Sweet dreams and Flying Machines in pieces on the ground»; referansen er til namnet på bandet snarare enn ei fatal flyulykke, som det lenge gjekk rykte om). Taylor fullførte skrivinga av songen medan han var på rehabilitering for dopmisbruk.[4]
I 2005, under eit intervju på NPR, forklarte Taylor til programleiar Scott Simon at songen var skriven i tre delar:[5]
Den første delen handla om veninna til Taylor, Suzanne, som døydde medan Taylor var i London og jobba med sitt første album etter å ha fått kontrakt med Apple Records. Vener heime var uroa for at det kunne distrahera Taylor frå det store gjennombrotet hans, og heldt den tragiske nyheita frå han, og han fekk vita det seks månader seinare. Den andre delen skildra kampen til Taylors for å overvinna narkotikamisbruk og depresjon. Den tredje delen handlar om å takla suksess og rikdom, og ser tilbake på vegen som førte han dit. Den inkluderer ein referanse til James Taylor and the Flying Machine, eit band han jobba kort med før han fekk det store gjennombrotet sitt med Paul McCartney, Peter Asher og Apple Records.
Carole King spelte piano på songen.[6] Trommeslagaren Russ Kunkel brukte børstar i staden for pinnar på trommesettet sitt,[7] og Bobby West spelte kontrabass[8] i staden for ein bassgitar for å «understreka melankolien i songen».[9]
King har uttalt at songen «You've Got a Friend», som Taylor spelte inn, var eit svar på linja i refrenget om at «I've seen lonely times when I could not find a friend.»[10][11]
Taylor refererer til songen i ein annan av komposisjonane sine, «That's Why I'm Here», tittelsporet frå albumet frå 1985, der han skriv: «Fortune and fame's such a curious game. Perfect strangers can call you by name. Pay good money to hear 'Fire and Rain' again and again and again.»
Han refererer òg til songen i ein annan komposisjon, «Money Machine» (eit kynisk syn på dei økonomiske aspekta ved platebransjen): «When I began the game, see me sing 'bout Fire and Rain; Lemme just sing it again - I've seen fives and I've seen tens.» (Sjå meg syngja om «Fire and Rain»; la meg berre syngja han igjen - eg har sett femmarar og eg har sett tiarar).
Broadcast Music, Inc. rangerte «Fire and Rain» som nummer 82 på sin «Top 100 Songs of the Century»-liste,[12] medan National Endowment for the Arts og Recording Industry Association of America inkluderte songen på si Songs of the Century-liste, som omfattar 365 songar av «historisk betydning» spelt inn frå 1900 til 2000,[13] og plasserte «Fire and Rain» som nummer 85.[14] I april 2011 vart songen lagt på 227. plassen på lista til Rolling Stone over dei 500 beste songane gjennom tidene.[15]
Marcia Hines spelte inn «Fire and Rain» på debut-LP-en sin frå 1975, Marcia Shines. Versjonen hennar nådde nr. 17 i Australia.[16] Ved Australian Record Awards i 1975 vann songen Hines årets kvinnelege singel.[17]
Taylor framfører songen i The Simpsons i episoden «Deep Space Homer». Medan han syng songen for ei gruppe astronautar (inkludert Homer Simpson og Buzz Aldrin), endrar han teksten «Sweet dreams and flying machines in pieces on the ground» til «Sweet dreams and flying machines, flying safely through the air» når han innser at romskipet kan krasja.[18]
I 2015 opptredde Taylor på The Late Show with Stephen Colbert, der han song ein versjon med mange referansar til populærkulturen etter 1970.[19]
|
Årslister[endre | endre wikiteksten]
|
|
|
Region | Salstrofé | Salstal |
---|---|---|
Storbritannia (BPI)[37] | Sølv | 200 000^ |
xuspesifserte tal er baserte på sertifiseringa aleine |
228: «Should I Stay or Should I Go» The Clash |
Plassering på lista til Rolling Stone frå 2010 over dei 500 beste songane gjennom tidene 227 «Fire and Rain» James Taylor |
226: «Hoochie Coochie Man» Muddy Waters |
Studioalbum | |
---|---|
Konsertalbum |
|
Julealbum | |
Samlealbum |
|
Videoalbum |
|
EPar | |
Singlar | «Carolina in My Mind»
|
Andre songar | |
Tilknytte artiklar |
|